भुटानका राजा र रानी शुक्रबार बिहान नेपाल आउने

१९ मंसिर, काठमाडौं । भुटानका राजारानी नेपाल भ्रमणमा आउने भएका छन् । राजा जिग्मे खेसार नाम्ग्याल वाङ्चुक र रानी जेट्सुन पेमा वाङ्चुक शुक्रबार नेपाल आउने भएका हुन् । यो उनीहरुको निजी भ्रमण हो । भारत भ्रमण सकेर उनीहरु काठमाडौं आउने बताइएको छ । 

परराष्ट्र मन्त्रालयका अनुसार काठमाडौंमा तीनदेखि चार घण्टा मात्र उनीहरु बस्ने कार्यक्रम छ । भुटानका राजा र रानीले मंसिर २० देखि २१ गतेसम्म भारतको औपचारिक भ्रमण गर्ने कार्यक्रम छ । बिहीबार बिहान ११ः३० बजे उनीहरूले भारतीय प्रधानमन्त्री नरेन्द्र मोदीसँग भेटवार्ता गर्नेछन् । शुक्रबार बिहान उनीहरु नेपालतर्फ लाग्ने जनाइएको छ ।