एकीकृत समाजवादीले बोलायो स्थायी कमिटी बैठक

२० मंसिर काठमाडौं : नेकपा एकीकृत समाजवादी पार्टीले स्थायी कमिटी बैठक बोलाएको छ। मंसिर २६ र २७ गते बस्ने गरी बैठक बोलाइएको पार्टीका उपमहासचिव राजकुमार भट्टराईले जानकारी दिएका छन् ।  

उनका अनुसार बैठकमा नेताहरूको कार्य विभाजनबारे निर्णय लिने बताइएको छ । असारमा महाधिवेशन गरेको नेकपा एसले अझै नेताहरूको कार्य विभाजन टुंग्याउन सकेको छैन।विभागीय प्रमुख, जिल्ला इन्चार्ज, आयोग तथा जनसङ्गठन इन्चार्ज तोक्नको लागि अध्यक्ष माधव नेपालको नेतृत्वमा कार्यदल नै बनाएर काम गरिरहे पनि सहमति जुट्न सकेको छैन।

बैठकमा स्थानीय तहको उपनिर्वाचनको समीक्षा, पछिल्ला समसामयिक राजनीतिक घटनाक्रमबारे पनि छलफल हुने जनाइएको छ।