बीआरआई फ्रेमवर्कमा हस्ताक्षर पछि बालुवाटारमा कार्यदलको बैठक

२० मंसिर काठमाडौं :  बालुवाटारमा बेल्ट एन्ड रोड इनिसिएटिभ (बीआरआई) फ्रेमवर्क कार्यदलको बैठक बसेको छ। प्रधानमन्त्री केपी शर्मा ओलीको चीन भ्रमणको क्रममा हिजो बीआरआईको फ्रेमवर्कमा हस्ताक्षर भएपछि कार्यदलको बैठक बसेको हो।

बैठकमा कांग्रेसबाट महामन्त्री गगन थापा एमालेबाट प्रधानमन्त्रीका मुख्य सल्लाहकार विष्णु रिमाल र आर्थिक तथा विकास मामिला सल्लाहकार युवराज खतिवडा रहेका छन्। हिजो चीनसँग भएको फ्रेमवर्कको विषयमा आजको बैठकमा छलफल चलिरहेको जनाइएको छ। प्रधानमन्त्री ओली पनि चीन भ्रमण सकेर स्वदेश फर्किसकेको भएपनि बैठकमा सहभागी छैनन्।

सत्तारुढ दल कांग्रेस र एमालेबीच बिआरआई ऋण कि अनुदान भन्ने विषयमा मतभेद भइरहेको बेलामा कार्यदलले अनुदानमा पहल गर्ने समझदारी जुटाएको थियो।