भुटानका राजा जिग्मेले स्वयम्भू र बौद्धको दर्शन गर्ने, औपचारिक भेटघाट नगर्ने

२० मङ्सिर, काठमाडौं । नेपाल आउन लागेका भुटानका राजा जिग्मे खेसार नाम्ग्याल वाङचुक र रानी तेत्सुन पेमा वाङचुकले स्वयम्भू र बौद्धनाथको मन्दिरको दर्शन गर्ने भएका छन् ।  भारत भ्रमण सकेर फर्किने क्रममा उनीहरू करिब ५ घण्टा नेपालमा रहने परराष्ट्र मन्त्रालय स्रोतले जनाएको छ। सो अवसरमा राजा जिग्मेले स्वयम्भु र बौद्धनाथको दर्शन गर्ने बताइएको छ । यो भ्रमणका दौरान कुनै औपचारिक भेटघाट भने नहुने बताइएको छ । 

बिहान ९.५० बजेतिर नेपाल आइपुग्ने राजा सिग्मे एयरपोर्टबाट सिधै स्वयम्भूको दर्शनका लागि जाने र त्यहाँबाट बौद्ध जाने बताइएको छ । दुवै ठाउँको दर्शनपछि त्रिभुवन अन्तर्राष्ट्रिय विमानस्थल आएर आफ्नो देश भुटान फर्किने कार्यक्रम रहेको स्रोतले जनाएका छ ।