भुटानका राजा–रानी आज नेपाल आउँदै, स्वयम्भू र बौद्धको दर्शन गर्ने

२१ मङ्सिर, काठमाडौं । नेपाल आउन लागेका भुटानका राजा जिग्मे खेसार नाम्ग्याल वाङचुक र रानी तेत्सुन पेमा वाङचुकले आज स्वयम्भू र बौद्धनाथ  मन्दिरको दर्शन गर्ने भएका छन् ।  भारत भ्रमण सकेर फर्किने क्रममा आज उनीहरू करिब ५ घण्टा नेपालमा रहने परराष्ट्र मन्त्रालय स्रोतले जनाएको छ। सो अवसरमा राजा जिग्मेले स्वयम्भु र बौद्धनाथको दर्शन गर्ने भएका हुन् । यो भ्रमणका दौरान कुनै औपचारिक भेटघाट भने नहुने बताइएको छ । 

बिहान ९ः५० बजेतिर नेपाल आइपुग्ने राजा सिग्मे एयरपोर्टबाट सिधै स्वयम्भूको दर्शनका लागि जाने र त्यहाँबाट बौद्ध जाने बताइएको छ । दुवै ठाउँको दर्शनपछि त्रिभुवन अन्तर्राष्ट्रिय विमानस्थल आएर आफ्नो देश भुटान फर्किने कार्यक्रम रहेको छ ।