एनपीएलमा आज कर्णाली र चितवन तथा लुम्बिनी र पोखरा भिड्दै

२१ मङ्सिर, काठमाडौं । नेपाल प्रिमियर लिग (एनपीएल) मा आज कर्णाली याक्स र चितवन राइनोज तथा लुम्बिनी लायन्स र पोखरा एभेन्सजर्सबीच प्रतिस्पर्धा हुँदैछ ।  कर्णाली र चितवनबीचको खेल बिहान ९ बजे र लुम्बिनी र पोखराबीचको खेल दिउँसो सवा १ बजे हुनेछ।

लगतार दुई खेल जितेको चितवन आफ्नो अपराजित यात्रा कायमै राख्न चाहन्छ । तर दुई खेलसम्म अंकविहीन रहेको कर्णाली भने आज पहिलो जितको खोजीमा हुनेछ । यसैगरी दोस्रो खेलमा जीतविहीन लुम्बिनी र पोखरा दुवै टोली आज जितको पहिलो खोजीमा हुनेछन् । लुम्बिनी एक खेलमा र पोखरा दुई खेलमा पराजित भएको छ ।