कांग्रेसले बोलायो केन्द्रीय कार्यसम्पादन समितिको बैठक

२१ मंसिर काठमाडौं । नेपाली कांग्रेसले केन्द्रीय कार्यसम्पादन समितिको बैठक बोलाएको छ । कांग्रेस मुख्यसचिव कृष्णप्रसाद पौडेलले दिएको जानकारी अनुसार मंसिर २४ गते बिहान ९ बजेका लागि बैठक बोलाइएको बताइएको छ।  

सभापति शेरबहादुर देउवा निवास बुढानीलकण्ठमा बस्ने  बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई उपस्थितिका लागि आमन्त्रण गरिसकिएको मुख्यसचिव पौडेलले बताएका छन् ।  

बैठकमा प्रधानमन्त्रीको चीन भ्रमणका क्रममा भएको बीआरआई फ्रेमवर्क सम्झौताबारे विशेष छलफल हुनेछ । सोही बैठकबाट त्यस बारेमा पार्टीको आधिकारिक धारणा तय गरिने छ ।