आज जनकपुर र लुम्बिनी तथा सुदूरपश्चिम र चितवन भिड्दै

२३ मङ्सिर, काठमाडौं । नेपाल प्रिमियर लिग (एनपीएल) मा आज दुई खेल हुँदैछन् ।  कीर्तिपुरस्थित टीयू अन्तर्राष्ट्रिय क्रिकेट मैदानमा हुने खेलमा विहान ९ बजे जनकपुर बोल्ट्स र लुम्बिनी लायन्स भिड्नेछन् । जनकपुर लगातार तीन खेलमा अंक बटुल्न सफल भएको छ भने लुम्बिनीलाई आजको खेल जित्नैपर्ने दबाब छ ।  

आजै हुने अर्को खेलमा सुदूरपश्चिम रोयल्स र चितवन राइनोज भिड्नेछन् । सुदूरपश्चिम पनि तीन खेलमा जित निकाल्दै अंक तालिकाको शीर्ष स्थानमा रहेको छ भने चितवन राइनोजले १ खेलमा जित निकाल्दा २ खेलमा पराजित भएको छ ।