सहकारी ठगीको अनुसन्धानमा रहेका रवि लामिछानेलाई म्याद थप गर्न अदालत लगियो

२३ मंसिर, पोखरा । सहकारी ठगी प्रकरणको अनुसन्धानका लागि प्रहरी हिरासतमा रहेको राष्ट्रिय स्वतन्त्र पार्टी (रास्वपा) का सभापति एवं पूर्वगृहमन्त्री रवि लामिछानेलाई म्याद थपका लागि आइतबार कास्की अदालतमा पेस गरिएको छ । 

यसअघि म्याद थप गरेर काठमाडौं र चीनवतमा सहकारी ठगी सम्बन्धमा बयान गराइ पुःन कास्की लगिएका रविलाई आइतबार विहान १० बजे अदालत पुर्याइएको हो । सहकारी ठगी, सम्पत्ति शुद्धीकरण र संगठित अपराध आरोपमा अनुसन्धानमा रहेका लामिछानेलाई पुनः म्याद थप गरिँदैछ ।  
 
२ कात्तिकमा पक्राउ परेका लामिछानेलाई कास्की प्रहरी हिरासतमै रहेका बेला बुटवल, काठमाडौँ र चितवनमा बयानका लागि लगिएको थियो । विभिन्न सहकारीको रकम गोर्खा मिडियामा लगेर रकम अपचलन गरेको आरोप उनीमाथि छ । उनलाई बयानका लागि पर्सा पनि लगिने छ । तर, यसको मिति तया भइसकेको छैन् ।