सप्तरीमा अस्पतालका कर्मचारी झ्यालमा बाँधिएको अवस्थामा मृत फेला

२३ मंसिर, जनकपुरधाम : सप्तरीको राजविराजस्थित जिल्ला खेलकुद विकास समिति भवनको झ्यालमा बाँधिएको अवस्थामा एक कर्मचारी मृत भेटिएका छन्। 

सप्तरीका प्रहरी प्रमुख एसपी ढकेन्द्र खतिवडाले  दिएको जनाकारी अनुसार राजविराजकै गजेन्द्र नारायण सिंह सगरमाथा अस्पतालमा कार्यरत अन्दाजी ४० वर्षीय सुधीर कुमार झा झ्यालमा बाँधिएको अवस्थामा मृत भेटिएका हुन् । छिन्नमस्ता गाउँपालिका ५ गोविन्दपुर घर भएका झा अस्पतालको टिकट काउन्टरमा कार्यरत रहेको प्रहरीको भनाई छ।  

उनी कार्यरत अस्पताल र घटनास्थल करिब एक किलोमिटर दुरीमा पर्छ । झ्यालमा बाँधिएको झाको दुवै खुट्टा भुईँमा देखिएकाले घटना शङ्कास्पद देखिएको छ ।अस्पतालका कर्मचारी झा झुन्डिएको अवस्थामा मृत फेला परेको बताए । उनले घटना शङ्कास्पद रहेको र थप अनुसन्धान भइरहेको एसपी  खतिवडाले बताएका छन् ।  घटना बारे थप अनुसन्धान भइरहको छ ।