धादिङको कृष्णभीरमा ग्यास बुलेट दुर्घटना

२३ मंसिर, धादिङ । आइतबार बिहान चितवनबाट काठमाडौं आउँदै गरेको भारतीय नम्बरको ग्यास बुलेट धादिङमा दुर्घटना भएको छ ।  पृथ्वी राजामार्गअन्तर्गत रोराङ नगरपालिका–७ स्थित कृष्णभीरमा आइतबार बिहान ग्यास बुलेट दुर्घटना भएको जिल्ला प्रहरी कार्यालय धादिङले जानकारी दिएको छ ।

धादिङ प्रहरीका अनुसार दुर्घटनास्थलमा घाइते नभेटिए पनि चालक र सहचालकको अवस्था भने अज्ञात रहेको छ ।  चालक भारतीय नागरिक रहेको खुलेको छ । बुलेटको आधा भाग नदीमा र आधी भाग भीरमा अड्किएको अवस्थामा छ । घटना स्थलमा प्रहरी पुगेर अनुसन्धान गरिरहेको छ ।