झापामा ८३ वर्षीया बृद्धाको हत्या, आरोपित दुई पक्राउ

२३ मंसिर,काठमाडौं :  झापामा ८३ वर्षीया बृद्धाको हत्या गरिएको छ। शनिबार अपरान्ह झापा गाउँपालिका वडा नम्बर ६ पुष्पाञ्जली टोलकी फूलमाया मुर्मुको हत्या गरिएको हो । 

झापा प्रहरी प्रवक्ता प्रहरी नायब उपरीक्षक कृष्णकुमार चन्दका अनुसार हत्या आरोपमा झापा गाउँपालिका .७ का २८ वर्षीय अजय यादव र शिवसताक्षी नगरपालिका.७ २४ वर्षीय अशोक यादवलाई पक्राउ पनि गरिएको बताइएको छ। 

हत्या गरेको अवस्थामा मुर्मुको शव फेला परेपछि प्रहरीले कुकुरसहितको टोली परिचालन गरेको थियो।अनुसन्धान अनुसार बृद्धालाई दुई जनाले टाउको र चिउँडोमा कलको ह्यान्डिल र फरुवा प्रहार गरेको पाइएको चन्दले बताए।

यादवद्वयलाई झापा गाउँपालिका वडा नम्बर ७ कै मदरगाछबाट पक्राउ गरिएको उनको भनाई छ । बृद्धाको हत्या गर्नुको कारणबारे पक्राउ परेकासँग सोधपुछ जारी रहेको प्रहरीले जनाएको छ।