४५ अंकले घटेर २६८९ बिन्दुमा ओर्लियो नेप्से, ७ अर्ब ४६ करोडका शेयर किनबेच भए

२३ मंसिर, काठमाडौं । आइतबार शेयर कारोबार मापक नेप्से परिसूचक ४५.९३ अंकले घटेको छ । नेप्से एक दशमलव ६७ प्रतिशतले घटेर २६८९ विन्दुमा बन्द भएको छ । आज कुल २७ कम्पनीको शेयर मूल्य बढेको छ भने २१४ कम्पनीको मूल्य घट्यो । ३ कम्पनीको मूल्य स्थिर रह्यो ।

७ अर्ब ४६ करोड रुपैयाँ कारोबार भएको छ । ८१ हजार ४०४ पटकको शेयर किनबेचबाट १ करोड ७३ लाख ९२ हजार २४४ कित्ता शेयर किनबेच भयाो । आइतबार सबै उपसमूहहरू घटेको छ । सबैभन्दा बढी जिवन बिमा ४२३.०४, होटल तथा पर्यटन १२४.४५ र निर्जीवन बिमा १०९.११ अंकले घटेको हो ।

आइतबारको शेयर बजारको कारोबार उच्च अंकले घटेको भएपनि २७ कम्पनीको शेयर मूल्य भने बढेको छ । खानीखोला हाइड्रोपावर, डोटी पावर कम्पनी, मोलुङ हाइड्रोपावरसहतिका कम्पनीको शेयर मूल्य ९ प्रतिशतसम्मले बढेको छ । बजार घटेको दिन सबैभन्दा बढी कमाउनेमा खानीखोला हाइड्रोपावर रहेको छ । यसको शेयर मूल्य ९.९८ प्रतिशतले बढेर ४७१ रुपैयाँ प्रतिकित्ता पुगेको छ ।

आइतबार बजार घटेको कारण मानुषी लघुवित्त वित्तीय संस्था, लाइफ इन्स्योरेन्स कर्पोरेसन, जोशी हाइड्रोपावरको शेयर मूल्यमा १० प्रतिशतले घटेरको छ । यी कम्पनीको शेयर मूल्यमा नकारात्मक सर्किट लागेको छ ।