एउटै प्रकरणमा राज्यको विभेदः रविलाई हवाई मार्गको सुविधा, छविलाई स्थल मार्ग
रवि लगायत रास्वपाका नेता कार्यकर्ताहरू मै नैतिकताको खडेरी

मीन बहादुर खड्का
मंसिर २४, २०८१ सोमबार १७:२३:२

२४ मंसिर, काठमाडौं । ६५ करोड भन्दा बढी सहकारी बचत रकम अपचलन प्रकरणमा हाल प्रहरी हिरासतमा रहेका रवि लामिछानेलाई बीरगञ्ज स्थित सानो पाइला सहकारीको घोटाला प्रकरणमा बयानका लागि काठमाडौं हुँदै वीरगञ्ज लगिएको छ। रविलाई बुद्ध एयरको उडानबाट काठमाडौं ल्याएर सिमराको उडानबाट वीरगञ्ज लगिएको हो ।
अर्का प्रतिवादी पूर्वडीआईजी छविलाल बन्जाडे जोशीलाई भने स्थलमार्ग हुँदै वीरगञ्ज पुर्याइएको छ । उनलाई आइतबार राति नै पोखराबाट लगिएको थियो । छविसँगै अर्का प्रतिवादी रामबहादुर खनाललाई पनि वीरगञ्ज पुर्याइएको छ।
एउटै प्रकरणमा जोडिएका रवि र छवि बीच बयानका लागि वीरगञ्ज लैजान सरकारले विभेद गरेको टीकाटिप्पणी सुरु भएका छन् । रवि लामिछानेलाई हवाईमार्ग मार्फत वीरगञ्ज लिँदै गर्दा सोही प्रकरणमा प्रहरी हिरासतमै रहका पूर्वडीआईजी छविलाल बन्जाडे जोशीलाई किन स्थलमार्गबाट लगिएको भन्दै यतिबेला कतिपयले यसको विरोध समेत गरेका छन् ।
यही विषयलाई लिएर सामाजिक सञ्जालमा व्यापक विरोध भएको छ । हवाईमार्ग बाटै वीरगञ्ज लाने नै हो भने पनि दुवैलाई हवाईमार्ग बाटै लिनुपर्नेमा एउटालाई हवाई मार्गको सुविधा दिएर अर्कोलाई स्थलमार्गबाटै वीरगञ्ज पुऱ्याउनु विभेद भएको अधिकांशको बुझाई छ ।
रवि मात्रै होइन रास्वपाका नेता कार्यकर्तामै नैतिकताको खडेरीः
पछिल्लो समयमा रास्वापाले आफ्ना पार्टी सभापति रवि माथि सरकारले प्रतिशोध साँधेर मानव अधिकारको नै हनन गरेको आरोप लगाइरहेको छ। तर यो विषयमा समेत सत्ता पक्ष समर्थकहरूको आपत्ति छ । कुनै बेला रविले दुःख दिएका आफ्नै सहकर्मी पत्रकार स्वर्गीय शालिकराम पुडासैनी र ड्राइभरको के मानव अधिकार थिएन भन्दै प्रश्न समेत गरिरहेका छन् ।
उसो त रास्वपाले रवि पक्राउ परेको दिनदेखि नै देशका विभिन्न ठाउँमा रविको रिहाइको माग गर्दै निरन्तर आन्दोलन गर्दै आएको थियो । सहकारी ठगी प्रकरणमा मुछिएका व्यक्तिलाई अदालतबाट पक्राउ पुर्जी जारी भई पक्राउ गरेर अनुसन्धान भइरहेको विषयमा आन्दोलन गर्नुको कुनै तुक नहुने भन्दै व्यापक आलोचना भएपछि रास्वपाले आफ्नो आन्दोलन रोकेको थियो ।
नयाँ अनि वैकल्पिक भनिएको राजनीतिक दललाई सहकारी ठगीको आरोप लागेका व्यक्तिलाई बचाउन सडक आन्दोलन गरिएको सम्मको आरोप लागेपछि रास्वपा सडक आन्दोलनबाट व्याक भएको थियो । पुराना राजनीतिक दल प्रतिको जनताको निराशालाई आशामा बदल्ने र चमत्कार नै गर्छु झैँ गरेर पार्टी नै स्थापना गरेर राजनीतिमा होमिएका रवि नै सहकारी ठगी जस्तो मुद्दामा मुछिएपछि रास्वपा प्रतिको जनताको विश्वास भने रफ्तारले घटेको छ ।
सञ्चारकर्मी हुँदा रविको जुन किसिमको क्रेज थियो त्यो अहिले नरहेको र अब क्रमशः ओरालो लाग्ने चर्चा अहिले राजनीतिक वृत्तमा भइरहेको छ । केही नयाँ गर्छु भनेर स्थापना भएको पार्टीका नेताहरु नै उल्टै गलत गर्ने व्यक्तिलाई जोगाउन मरिहत्ते गर्नु आफैंमा अस्वाभाविक थियो । उसो त रास्वपाले सडक आन्दोलनका क्रममा सरकारलाई गाली गर्ने र आफ्ना सभापतिको रिहाइको माग गर्ने काम मात्रै गर्यो। जुन सडक आन्दोलनको कुनै अर्थ नै रहेन ।
यता सरकारमा सहभागी दलका नेताहरूले उल्टै सडकमा रास्वपाले अराजक गतिविधि गरिरहेको आरोप लगाए । प्रधानमन्त्री समेतले रास्वपाले सडकमा अराजकता मच्चाउने काम गरेको भन्न पछि हटेनन् । पुरानाहरुले केही गरेनन्, पुरानाले देश बनाउन सक्दैनन्, यिनीहरुले देश बनाउँछन् भन्ने अपेक्षा गर्नु दिवा सपना जस्तै हो, म देश बनाउँछु, मलाई साथ दिनुस् भनेर जनता सामु झुटा आश्वासन बाँडेर राजनीति क्षेत्रमा शून्य योगदानमा संसदसम्मको यात्रा तय गरेका रवि दुई पटक सांसद हुँदै दुई दुई पटक गृहमन्त्री हुँदा समेत स्टन्टः बाहेक केही उपलव्धिमुलक काम गर्न नसकेको आरोप उनी माथि छ ।
जुन आशा देखाएर रवि लोकप्रिय बनेका थिए, त्यो कामले प्रमाणित गर्न नसकेको कुरा घाम झै छर्लङ्ग छ । यतिसम्म कि रवि प्रति जनताको आशा निराशामा परिणत भइसक्यो भन्दा पनि फरक पर्ने देखिंदैन । उसो त उनी माथिको आरोप प्रमाणित भए अबका केही वर्ष उनको बास हिरासतमै हुनेछ। छोटो समयमै राजनीतिमा छलाङ्ग मार्न सफल रवि गृहमन्त्री भएपछि केही नयाँ पक्कै हुने अपेक्षा सबैको थियो ।
तर त्यसको ठीक विपरीत उनले केवल गृहमन्त्रीको पद जोगाउन र आफू माथि लागेका आरोप ढाकछोप गर्न मै गृहमन्त्रीको कार्यकाल बिताए । दुईपटक गृहमन्त्री हुँदा समेत कुर्सीको मोह र आफ्नो कालो कर्तुत ढाकछोप गर्न बाहेकको अर्को उपलब्धि नभएपछि उनी प्रतिको आशा निराशामा परिणत नहुने त कुरै भएन । आफू गृहमन्त्री हुँदा तत्कालीन समयमा एमाले अध्यक्ष समेत रहेका हालका प्रधानमन्त्री केपी शर्मा ओली र तत्कालीन प्रधानमन्त्री पुष्पकमल दाहाल प्रचण्डकै कृपाले सहकारी ठगी प्रकरणमा उनका लागि हिरासतको ढोका बन्द जस्तै भएको थियो ।
उसो त तत्कालीन प्रमुख प्रतिपक्षी दल नेपाली कांग्रेसले गृहमन्त्री रहेका रविको राजीनामा मागेर धेरै दिन संसद नै अवरुद्ध गरेको थियो । तर पुरानालाई नैतिकता सिकाउन राजनीतिमा आएको हुँ भन्ने रवि नै आफू माथि सहकारी ठगी जस्तो गम्भीर आरोप लाग्दा पनि लाज नमानी गृहमन्त्रीको कुर्सीमा अड्डा जमाएर बसिरहे । यतिमात्रै होइन कांग्रेसले सहकारी ठगी सम्बन्धी संसदीय छानविन समितिको माग गर्दै लामो समय संसद अवरोध समेत गरेको थियो ।
तर रवि संसदीय छानविन समितिको विपक्षमा थिए । तत्कालीन सरकार नै छानविन समितिको विरुद्धमा थियो । उनलाई थाहा थियो कि त्यसो गर्दा म माथि अनुसन्धान सोझिन्छ र मेरो बास हिरासतमा हुन्छ । जब सरकार फेरियो त्यसपछि उनी सरकारबाट बाहिरिए । जब गृहमन्त्रीको पद नै चैट भयो बल्ल रवि लामिछाने प्रहरी हिरासतमा पुगे।
सहकारी ठगीको आरोपमा अनुसन्धान भइरहेको छ। तर रास्वपाका नेता कार्यकर्ता भने यसलाई राजनीति प्रतिशोध भनिरहेका छन् । आफ्नाहरु माथि अनुसन्धान हुँदा राजनीति प्रतिशोधको आरोप लगाउनु नयाँ अनि वैकल्पिक शक्ति भनिएको रास्वपाका लागि लज्जास्पद विषय हो ।
अहिले पनि रविलाई बयानका लागि जता लगियो त्यतै आन्दोलन रास्वपाले गरिरहेको छ। यसले यो पुष्टि गर्छ की नैतिकता सिकाउन भनेर आएका रास्वपा सभापति रवि मात्रै होइन सिङ्गो रास्वपाका नेता कार्यकर्ताहरूमा नैतिकताको खडेरी परेको छ । नैतिकताको खडेरीमा रास्वपा बाँचिरहेको छ। रवि लामिछानेका पछिल्ला गतिविधिले उनी पुराना भन्दा पाँच गुना बढी फट्याईं भाषण गर्ने तर काम कम गर्ने व्यक्ति हुन् भनेर सजिलै अनुमान गर्न सकिन्छ ।
सडक आन्दोलनका क्रममा रास्वपा नेता कार्यकर्ताहरूले दिएका अभिव्यक्तिले साँच्चिकै उनीहरुको क्षमता, बुद्धि र विवेकलाई प्रष्टयाउछ । कतिपय जिम्मेवार नेताहरुले समेत आफ्नो बेइज्जत नै हुन गरि अभिव्यक्तिहरू दिँदा हाँसोको पात्र समेत बने । रास्वपाले आज जे गरिरहेको छ त्यो पुरानाले गर्ने अस्वाभाविक गतिविधि भन्दा अझ बढी खतरनाक छ भन्दा पनि फरक नपर्ला ।
यसबाट उनीहरूमा सामान्य राजनीतिक संस्कार समेत नभएको देखिन्छ । राजनीतिक विश्लेषकहरु समेत रास्वपाका पछिल्ला गतिविधिलाई अस्वाभाविक भन्ने गरेका छन् । जुन गतिविधिले रवि मात्रै हाइन रास्वपा प्रतिकै जनविश्वास दिन प्रतिदिन घट्दै गएको छ । भर्खरै सम्पन्न उपनिर्वाचनको मत परिणामले पनि त्यो प्रष्टै देखाएको छ।
अहिले राष्ट्रिय स्वतन्त्र पार्टीले हिरासतमा रहेका सभापति रवि लामिछानेमाथि सरकार र प्रहरीबाट अमानवीय व्यवहार भएको आरोप लगाउँदै आएको छ । शारीरिक अवस्था ठीक नहुँदा पनि चितवनबाट मध्यरातमा जबरजस्ती पोखरा लगिएको भन्दै रास्वपाका नेताहरु यसको सशक्त प्रतिवादमा उत्रिएका छन् । रास्वपाले रविको मानव अधिकारको रक्षा गर्न र अमानवीय व्यवहार नगर्न राष्ट्रिय मानव अधिकार आयोगमा उजुरी नै दिएको छ।
रविलाई मध्यरातमा पोखरा लगिएको विषयमा प्रहरीको नै आलोचना भइरहेको छ। तर प्रहरी माथि लागेको आरोप स्वीकार गर्न प्रहरी भने तयार छैनन् । प्रहरीले यसलाई दुःख दिने नियत नभई रातमा लग्नु पर्ने बाध्यता भनेको छ। साथै उनलाई ससम्मान एसपीकै एसीवाला गाडीमा राखेर लगिएको बताएको छ ।
रामपुरको स्वरूप फेरिँदै
फागुन १२, २०८१ सोमबार
न्हु पोखरी संरक्षणका लागी महानगरले भत्कायो घरटहरा [ फोटो फिचर ]
फागुन १२, २०८१ सोमबार
महाशिवरात्रि : नागा बाबाहरु जन्तीसहित अन्नपूर्ण भण्डारबाट पशुपति मन्दिर प्रवेश गरे
फागुन १२, २०८१ सोमबार
डीआईजी भट्टराई एआईजीमा बढुवाका लागि सिफारिस
नेपालबहस संवाददाता
फागुन ११, २०८१ आइतबार
मोटरसाइकल ठोक्किएर त्रिशुलीमा खसेका रानाको शव नौ दिनपछि भेटियो
नेपालबहस संवाददाता
फागुन ११, २०८१ आइतबार
कटारी मेयर गोल्डकपः काठमाडौंसँग भुटान पराजित
फागुन १२, २०८१ सोमबार
प्रहरी कुट्ने अनेरास्ववियुका पाँचै जना विद्यार्थी नेता धरौटीमा रिहा
फागुन १२, २०८१ सोमबार
तरकारी ढुवानीमा महाशिला गाउँपालिकाको अनुदान, ४ महिनामै ८५ लाखको कारोबार
फागुन १२, २०८१ सोमबार
काठमाडौं महानगरमा केही दिनमै प्रशासकीय अधिकृत पठाउँछु : मन्त्री गुप्ता
फागुन १२, २०८१ सोमबार
कटारी मेयर गोल्डकपः काठमाडौंसँग भुटान पराजित
फागुन १२, २०८१ सोमबार
प्रहरी कुट्ने अनेरास्ववियुका पाँचै जना विद्यार्थी नेता धरौटीमा रिहा
फागुन १२, २०८१ सोमबार
तरकारी ढुवानीमा महाशिला गाउँपालिकाको अनुदान, ४ महिनामै ८५ लाखको कारोबार
फागुन १२, २०८१ सोमबार
काठमाडौं महानगरमा केही दिनमै प्रशासकीय अधिकृत पठाउँछु : मन्त्री गुप्ता
फागुन १२, २०८१ सोमबार
कटारी मेयर गोल्डकपः काठमाडौंसँग भुटान पराजित
फागुन १२, २०८१ सोमबार
प्रहरी कुट्ने अनेरास्ववियुका पाँचै जना विद्यार्थी नेता धरौटीमा रिहा
फागुन १२, २०८१ सोमबार