सीआईबी भन्छ, बैंकर र व्यवसायी धम्क्याएर रकम असुल्ने गिरोह नै खडा गरेका थिए दुर्गा प्रसाईंले

नेपालबहस संवाददाता
मंसिर २५, २०८१ मंगलबार १३:५९:१७

२५ मंसिर, काठमाडौं । मंसिर ४ मा भक्तपुर निवासबाट पक्राउ परेका मेडिकल व्यवसायी दुर्गा प्रसाई अहिले प्रहरी हिरासतमा छन् । साइबर क्राइम अपराधमा समातिएका उनीमाथि व्यवसायी र बैंकरलाई भारतीय गुण्डाको नामबाट धम्क्याउने र रकम असुल गर्ने गरेको विषयमा प्रमाण जुटाउँदै प्रहरीले अनुसन्धान गरिरहेको छ । प्रहरीका अनुसार साइबर क्राइम तर्फ भन्दा प्रसाईंको अनुसन्धान अर्कोतिर मोडिएको छ । उनीमाथि बयान लिने काम पनि जारी नै छ ।
हाल नेपाल प्रहरीको केन्द्रीय साइबर ब्यूरोबाट केन्द्रीय अनुसन्धान ब्यूरो (सीआईबी) ले उनीमाथि अनुसन्धान गरिरहेको छ । प्रसाईंमाथि आज मंगलबार पनि पनि बयान जारी नै रहने प्रहरीले जनाएको छ । प्रसाईंमाथि आपराधिक लाभ र संगठित अपराधको कसुरमा अनुसन्धान भइरहेको छ । प्रसाईंले भारतमा व्यक्ति नै खटाएर नेपालका व्यापारीलाई धम्क्याएर रकम असुलेको विषयमा धेरै प्रमाणहरू जुटिसकेको सीआईबीका अधिकारीले बताएका छन् । सीआईबीका अनुसार १४ मंसिरमा झापा मेचीनगरका हरिचन्द्र फुयाँललाई पक्राउ परेपछि प्रसाईको अनुसन्धानले अर्को मोड लिएको हो ।
बयानका क्रममा फुँयालले व्यापारी धम्क्याएर रकम असुल्न प्रसाईंले लगाएको मात्रै बताएका छैनन्, प्रहरीले उनको फोनमा यी दुईबीचको कुराकानीको अडियो र कागजपत्र साटासाट गरेको प्रमाण पनि भेटेको जनाएको छ । बलिउड अभिनेता सलमान खानलाई मार्ने धम्की दिएर चर्चामा आएका भारतीय गुण्डा लरेन्स विश्नोईको नाम लिएर प्रसाईंले नेपालका बैंकर र व्यापारीलाई धम्क्याउने जिम्मा फुँयाल लगायतको समूहलाई दिएका थिए । तर, सीआईबीले अरु व्यक्तिहरूलाई भने पक्राउ गरेको जानकारी दिएको छैन ।
सीआईबीका अनुसार प्रसाईंको मोबाइलमा अडियो रेकर्ड पनि भेटिएको छ । यसले उनको संलग्नताको पुष्टि गरेको छ र अरु व्यक्तिहरूको पनि खोजी भइरहेको छ । सीआईबीमा अहिलेसम्म चार जना व्यवसायीले लरेन्स विश्नोईको नाम लिएर धम्क्याएको उजुरी दिएका छन् । यसबारे अनुसन्धान जारी छ भने धम्की खेप्ने अरू व्यापारी पनि सीआईबीको सम्पर्कमा आउन थालेका छन् । प्रसाईं पक्राउ पर्दा यो धम्क्याएर रकम असुली गरेको विषय आएको थिएन ।
उनलाई सामाजिक सञ्जालमार्फत प्रधानमन्त्री केपी शर्मा ओलीको कम्बोडियामा लगानी भन्ने विवादास्पद भनाइसँगै फर्जी कागजातहरू सार्वजनिक गरेको अभियोगमा मंसिर ४ मा भक्तपुरस्थित घरबाटै पक्राउ गरिएको थियो । सुरुमा उनीमाथि साइबर ब्यूरोले विद्युतीय कारोबार ऐनको कसुरमा अनुसन्धान थालेको थियो । तर, पछि यो भन्दा जटिल विषयमा प्रसाईं संलग्न भएको भेटिएपछि उनीमाथि सीआईबीले अनुसन्धान थालेको हो । अहिले सीआईबीले भारतमा बसेर प्रसाईंसँगको मिलेमतोमा नेपाली व्यापारी धम्क्याउने काममा खटिएका फुयाँलको पृष्ठभूमि माओवादी भएको जनाएको छ । फुयाँल २०५९ साल अघि देखी माओवादीको सक्रिय कार्यकर्ता रहेको र सोही समयदेखि फुयाँलको भेट प्रसाईंसँग भएको सीआईबीको दावी छ ।
आपराधिक समूह खडा गरेपछि प्रसाईं आफैले पनि विभिन्न व्यवसायीलाई नेपालबाट लखेट्ने बताउन थालेका थिए । उनले विभिन्न बैंक र त्यसका सञ्चालकहरुमाथि पनि धावा बोलेका थिए । बैंकका कर्मचारी लखेट्ने, कालोमोसो लगाउने र सञ्चालकलाई धम्क्याउने काम गर्दै प्रसाईंले बैंकको ऋण नतिर्न अह्वान गर्दै सडकमा मान्छे जम्मा गर्न थालेका थिए । तर, उनले समूह बनाएर व्यवसायी र बैंकरलाई धम्क्याएर रकम असुली गर्न थालेको कुरा बाहिर आएको थिएन । अहिले यो विषयमा सीआईबीले अनुसन्धान केन्द्रित गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई info@nepalbahas.com मा पठाउनु होला । धन्यवाद ।
लेखकबाट थपडिआइजी भट्टराई एआइजीमा बढुवाका लागि सिफारिस
फागुन ११, २०८१ आइतबार
डीआईजी भट्टराई एआईजीमा बढुवाका लागि सिफारिस
फागुन ११, २०८१ आइतबार
नेपाल प्रहरीसम्बन्धी विधेयकः संसदमा सत्तापक्ष र प्रतिपक्षका गरी ५२ वटा संशोधन प्रस्ताव दर्ता
फागुन ९, २०८१ शुक्रबार
डीआईजी भट्टराई एआईजीमा बढुवाका लागि सिफारिस
नेपालबहस संवाददाता
फागुन ११, २०८१ आइतबार
मोटरसाइकल ठोक्किएर त्रिशुलीमा खसेका रानाको शव नौ दिनपछि भेटियो
नेपालबहस संवाददाता
फागुन ११, २०८१ आइतबार
कटारी मेयर गोल्डकपः काठमाडौंसँग भुटान पराजित
फागुन १२, २०८१ सोमबार
प्रहरी कुट्ने अनेरास्ववियुका पाँचै जना विद्यार्थी नेता धरौटीमा रिहा
फागुन १२, २०८१ सोमबार
तरकारी ढुवानीमा महाशिला गाउँपालिकाको अनुदान, ४ महिनामै ८५ लाखको कारोबार
फागुन १२, २०८१ सोमबार
काठमाडौं महानगरमा केही दिनमै प्रशासकीय अधिकृत पठाउँछु : मन्त्री गुप्ता
फागुन १२, २०८१ सोमबार
कटारी मेयर गोल्डकपः काठमाडौंसँग भुटान पराजित
फागुन १२, २०८१ सोमबार
प्रहरी कुट्ने अनेरास्ववियुका पाँचै जना विद्यार्थी नेता धरौटीमा रिहा
फागुन १२, २०८१ सोमबार
तरकारी ढुवानीमा महाशिला गाउँपालिकाको अनुदान, ४ महिनामै ८५ लाखको कारोबार
फागुन १२, २०८१ सोमबार
काठमाडौं महानगरमा केही दिनमै प्रशासकीय अधिकृत पठाउँछु : मन्त्री गुप्ता
फागुन १२, २०८१ सोमबार
कटारी मेयर गोल्डकपः काठमाडौंसँग भुटान पराजित
फागुन १२, २०८१ सोमबार
प्रहरी कुट्ने अनेरास्ववियुका पाँचै जना विद्यार्थी नेता धरौटीमा रिहा
फागुन १२, २०८१ सोमबार