एकीकृत समाजवादीको स्थायी कमिटी बैठक बस्दै

२६ मङ्सिर, काठमाडौं । नेकपा (एकीकृत समाजवादी) को स्थायी कमिटी बैठक आज शुरु हुँदैछ । पार्टी कार्यालय आलोकनगरमा बस्ने बैठक दुई दिनसम्म चल्नेछ । लामो समयदेखि हुन नसकेको केन्द्रीय नेताको कार्यविभाजन यो बैठकले गर्ने सचिव शेरबहादुर कुँवरले बताए । 

गत असारमा दशौँ राष्ट्रिय महाधिवेशन सम्पन्न गरेको पार्टीले अहिलेसम्म नेताहरूको जिम्मेवारी हेरफेर तथा कार्यविभाजनअन्तर्गत विभिन्न विभागीय प्रमुख, जिल्ला इन्चार्ज, आयोग तथा जनसङ्गठन इन्चार्ज तोकेको छैन ।