सुदूरपश्चिमले पायो १०२ रनको लक्ष्य, कर्णाली पराजित भए काठमान्डु गुर्खाजलाई फाइदा

१ पुस, काठमाडौं । नेपाल प्रिमियर लिग (एनपीएल) मा कर्णाली याक्सले सुदूरपश्चिम रोयल्सलाई १०२ रनको लक्ष्य दिएको छ । कीर्तिपुरस्थित टीयू अन्तर्राष्ट्रिय क्रिकेट मैदानमा टस हारेर पहिले ब्याटिङको निम्तो पाएको कर्णालीले निर्धारित २० ओभरमा सबै विकेट गुमाएर १०१ रन मात्र बनायो । 

कर्णालीका लागि ओमानी खेलाडी जिासन मकसुदले ३० रन बनाउनु बाहेक अन्य खेलाडीले उल्लेख्य प्रदर्शन गर्न सकेनन् । बलिङमा सुदूरपश्चिमका लागि हर्मित सिंहले ४ ओभरमा १७ रन खर्चेर ३ विकेट लिए । कप्तान दीपेन्द्र सिंह ऐरीले उत्कृष्ट बलिङ गर्दै ४ ओभरमा २० रन खर्चेर २ विकेट लिए । 

उनले २ रनआउट पनि गरे ।स्कट कुगेलेइनले ४ ओभरमा २९ रन खर्चेर २ विकेट नै लिए । जिसन मक्सुदले बनाएको ३० रन नै कर्णालीका लागि सर्वाधिक रह्यो । ३५ बलमा ४ चौका प्रहार गरेका मक्सुद दिपेन्द्र सिंह ऐरिको बलमा ब्राण्डोन म्याकमुलेनको हातबाट क्याच आउट भए । 

विलियन बसिस्टोले १६ रन थपे। बाबर हायातले १३ र चान्डविक वाल्टनले ११ रन बनाउँदै पेभेलियन फर्के । कप्तान सोमपाल कामी ११ रनमा क्याच आउट हुन पुगे । सुदुरपश्चिमका लागि हरमित सिंहले ३ विकेट झारोा। कप्तान दिपेन्द्र सिंह ऐरि, स्कट कुग्लेजिनले समान २ विकेट लिए। सैफ जैवले एक विकेट झारे । आजको खेलमा फराकिलो अन्तरमा कर्णाली पराजित भए काठमान्डु गुर्खाज प्लेअफमा पुग्नेछ ।