गरुडामा ४५ लाखको लागतमा रामजानकी मन्दिर बनाइने

♦ सञ्जय मिश्रा 

१ पुस, रौतहट । रौतहटको मध्यभाग गरुडा नगरपालिका अन्तर्गत पोठीयाहि गाउँमा लाखौँको लागतमा रामजानकी मन्दिरको निर्माण सुरु भएको छ।

मेयर कन्थमणि जैसवाल ले रामजानकी मन्दिरको शिलान्यास गरेका छन्। एक समारोहका बीच मेयर जैसवालले गरुडा नगरपालिका ६ पोठियाही गाउँमा  रामजानकी मन्दिरको  शिलान्यास गरेका हुन्। 

जीर्ण अवस्थामा रहेको सो मन्दिरको पुनः निर्माण स्वरूप मन्दिरको शिलान्यास सम्पन्न भएको मेयर जैसवालले बताएका छन्।

धार्मिक तथा ऐतिहासिक सम्पदाहरूको संरक्षण गर्नु हामी  सबैको दायित्व रहेकोले हामीले त्यो दायित्व बोध गर्दै नगरस्तरिय बजेटबाट कुल ४५ लाख रुपैयाँको लागतमा मन्दिरको पुनः निर्माण थालेका छौं । 

धार्मिक तथा सामाजिक संरचना निर्माणमा स्थानीयको सक्रियता र सहभागिता प्रशंसनीय रहेको छ, आगामी दिनमा यस मन्दिरको संरक्षणमा सबैले चासो देखाउनु हुनेमा विश्वस्त छु मेयर जैसवालको भनाई रहेको छ।

मन्दिरको निर्माण यसै आर्थिक वर्षभित्र पूरा हुने जनाइएको छ। गरुडा नगरपालिकाको मेयरको जिम्मेवारी पाइदेखिनै मेयर कन्थमणि जैसवाल भौतिक पूर्वाधार निर्माणका साथै धार्मिक आस्थासँग जोडिएको मठ मन्दिरहरू निर्माणमा पनि सक्रियता देखाएको नगरवासीले बताएका छन्।