सोमबार ५१ अंकले घटेर २६३० मा बन्द भयो नेप्से, २१ करोडले घट्यो कारोबार रकम

१ पुष, काठमाडौं । सोमबार नेप्से परिसूचक उच्च अंकले घटेको छ । ५१.३७ अंकले घटेर नेप्से २६३०.९१ विन्दुमा बन्द भएको छ । आज नेप्से परिसूचकसँगै कारोबार रकम पनि घटेको छ । गत बिहीबार ६ अर्ब १४ करोडको शेयर कारोबार भएकोमा आज सोमबार ५ अर्ब ९३ करोडका शेयर खरिदबिक्री भएका छन् । अघिल्लो दिनको तुलनामा कारोबार रकम २१ करोडले घटेको छ । 

जोशी हाइड्रोपावरको मूल्य ८.७० प्रतिशतले बढेर प्रतिकित्ता ४५० रूपैयाँ पुगेको छ । जानकी फाइनान्सको मूल्य सर्वाधिक ९.५८ प्रतिशतले घटेको छ । उक्त कम्पनीको प्रतिकित्ता मूल्य ८०१ मा झरेको छ । दोस्रोमा नेपाल फाइनान्सको मूल्य ७.४५ प्रतिशतले घटेर प्रतिकित्ता मूल्य एक हजार ६ कायम भएको छ । एनआरएन इन्फ्रास्ट्रक्चको सर्वाधिक कारोबार भएको छ ।

कम्पनीको प्रतिकित्ता मूल्य ९८४ रूपैयाँ ४० पैसामा २६ करोड ४५ लाखको कारोबार भएको छ । यो मूल्य अघिल्लो दिनको तुलनामा ४.४३ प्रतिशत घटेको हो । सर्वाधिक शेयर खरिद–बिक्री हुने दोस्रो कम्पनीमा जोशी हाइड्रोपावर परेको छ । उक्त कम्पनीको प्रतिकित्ता ४५० मा १८ करोड ८९ लाख  बराबरको कारोबार भएको छ । आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको छ ।
आज ३०४ वटा धितोपत्रको १ करोड २७ लाख ४५ हजार ७७७ कित्ता शेयर किनबेच भए । १५ कम्पनीको शेयर मूल्य बढेको छ भने २२७ वटाको घटेको छ । यस्तै दुई कम्पनीको मूल्य स्थिर रहेको छ । यसदिन कुथेली बुखरी स्मल हाइड्रोपावरको मूल्य सर्वाधिक १० प्रतिशतले बढेको छ । उक्त कम्पनीको प्रतिकित्ता मूल्य तीन हजार ३०० रूपैयाँ कायम भएको छ ।