रविसहित ५१ जना प्रतिवादी, फरारको सूचीमा ३७ जना

१ पुस, काठमाडौं । कास्की प्रहरीले पोखराको सूर्यदर्शन सहकारी ठगी प्रकरणमा ५१ जनालाई प्रतिवादी बनाउनुपर्ने रायसहितको अनुसन्धान प्रतिवेदन सरकारी वकिललाई बुझाएको छ । सोमबार बुझाएको प्रतिवेदनमा ५१ जनालाई प्रतिवादी बनाउन माग गरिएको छ भने ३७ जना फरार सूचीमा राखिएको छ । 

कास्की प्रहरीका प्रवक्ता तथा डीएसपी वसन्तकुमार शर्माका अनुसार ५१ जनालाई प्रतिवादी बनाउनुपर्ने राय सहितको प्रतिवेदन बुझाएकोमा ३७ जना फरार छन् । १४ जना मात्रै पक्राउ परेका छन् । बाँकी ३७ जना फरारको खोजी जारी छ । ५१ जनाविरुद्ध १ अर्ब ५१ करोड ४० लाख १९ हजार १९४ रुपैयाँ बिगो माग दाबी गरिएको छ ।