साइबर अपराधको कसुरमा शोभा पाठक पक्राउ

१ पुस, काठमाडौं । साइबर अपराधको कसुरमा प्रहरीले शोभा पाठकलाई पक्राउ गरेको छ । राजकुमार त्रिपाठीको जाहेरीमा पाठकलाई आज काठमाडौँबाट पक्राउ गरिएको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक नवराज अधिकारीले जानकारी दिए । उनले भने, “त्रिपाठीले उनीविरुद्ध गत मङ्सिर २८ गते जाहेरी दिएको र आज उनलाई पक्राउ गरिएको हो ।” यस विषयमा थप अनुसन्धान भइरहेको प्रवक्ता अधिकारीले बताए ।