ललितपुरमा रवि र बालेनप्रति अप्रत्यक्ष खनिए प्रधानमन्त्री
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
पुस २, २०८१ मंगलबार १५:३३:१५
![](https://nepalbahas.prixacdn.net/media/albums/KP-oli-ba_DewdbWXS0u_RQZaahfXDY.jpg)
२ पुस, काठमाडौं । मंगलबार ललितपुर महानगरपालिकाको स्थापना दिवसको अवसरमा आयोजित सभालाई सम्बोधन गर्न पुगेका प्रधानमन्त्री केपी शर्मा ओलीले काठमाडौं महानगरका मेयर बालेन शाह र रास्वपाका सभापति रवि लामिछाने लक्षित मन्तब्य दिए । भ्रष्टाचार गर्दिन र गर्न दिन्न भन्ने प्रधानमन्त्री ओलीका पुरानै शब्द हुन् । सरकारी ठगी प्रकरणको अनुसन्धानमा रहेका रास्वपाका सभापति लामिछानेप्रति सरकारले प्रतिशोधपूर्ण व्यवहार गरेको भन्दै विरोध भइरहेको छ ।
केहीदिन अघिदेखी सामाजिक सञ्जालमा अपत्यारिला र हुनै नसक्ने विषयहरु आउने गरेको गुनासो ओलीले गर्दै आएका थिए । रविको सहकारी ठगी सम्बन्धीको अनुसन्धानको विषयलाई अनर्गल रुपमा सरकार विरोधी प्रचार गरिएको उनको गुनासो रहँदै आएको थियो । आज उनले प्रत्यक्ष रुपमा रविको नाम नलिए पनि त्यसको जवाफ फर्काउने काम गरेका छन् ।
यो प्रशंगमा कसैको नाम र काम नजोडे पनि प्रधानमन्त्री ओलीले कसैमाथि हुने कारवाही अनुहार हेरेर नभई अपराधका आधारमा हुने बताए । भ्रष्टाचारी कालो छ कि गोरो छ अनुहार नहेरिने र अपराध हेरेर कारवाही हुने र भइरहेको भनाई उनको थियो । ओलीले भ्रष्टहरूको मुख हेरेर नभइ अपराध हेरेर कारबाही हुने दाबी गरे । देशको अवस्था सच्याउनुपर्ने र सुधार गर्नुपर्ने अवस्थामा रहेको उनले बताए ।
देशलाई गरिबीबाट माथि उठाउनुछ । सुशासन दिनुछ । भ्रष्टाचार नियन्त्रण गर्नुछ,’ प्रधानमन्त्री ओलीले भने, ‘भ्रष्टहरूको मुख हेरेर होइन, अपराध हेरेर कारबाही हुन्छ । देशमा सुशासन हुन्छ । जनतालाई दुःख दिन कर्मचारीहरूले पनि पाउँदैनन् । दिन हुँदैन ।’ उनले जनप्रतिनिधि वा कर्मचारी जो भए पनि जनताको सेवामा तल्लिन हुनुपर्ने बताए । हामी जनताका सेवक हौं, हामीभित्र घमण्ड पलाउन हुँदैन, उनले भने । सभामा उपस्थित धेरैले प्रधानमन्त्रीले घुमाएर रास्वपालाई जवाफ दिएको अनुमान लगाए ।
काठमाडौं महानगरका मेयर बालेनप्रति भने प्रधानमन्त्रीले बुझिने भाषा नै प्रयोग गरे । ललितपुरका नगरप्रहरीलाई धन्यवाद भन्दै कमसेकम ललितपुको महानगरीय प्रहरीले जनताका ठेला नठेलेको र गरिवको उठिबास नलगाएको बताए । उनको यो भनाई काठमाडौं महानगर प्रमुख बालेन शाहले नगरका गरिब जनतामाथि आतंक मच्चाएको भन्ने थियो । ललितपुर नगर प्रहरीले जनताको ठेला नफ्याँको भन्दै लामै प्रशंसा गरे ।
ललितपुर नगर प्रहरी सम्मानित हुनुभएको छ, म धन्यवाद भन्न चाहन्छु । किनकि ललितपुर नगर प्रहरीले गुर्र जिपमा कुँदेर, अर्कै लोकको केही आए झैं गरेर कुँदेर, झ्याप गाडी रोकेर, सिठ्ठी बजाउँदै आतंक छाउँदै, ठेला फाल्दै, गरिबका तरकारी, टमाटर फाल्दै यस्तो गरेको मैले देखेको छैन, उनले भने । उनले नगर प्रहरी आतंकको पर्याय नभएको पनि बताए ।
उनले भने, ‘तपाईंहरुले जनताका लागि त्रास फिजाउने होइन । तपाईंहरुलाई देख्दा जनताले सुरक्षित महसुस गरुन् । तपाईंहरु जाँदा जनताले हाम्रा रक्षकहरु आए भन्ने ठान्नुपर्छ । ताकि लौ आयो, कता भागौं, के गरौं भन्ने हुनुहुँदैन । कोही घडी फुकालेर लुकाउन थाल्ने, कोही सिक्री लुकाउन थाल्ने, यस्तो अवस्था नहोस् ।’ उनले सबै तहका सरकारहरु जनताप्रति सेवाभावका साथ उत्तरदायी भएर प्रस्तुत हुनुपर्ने बताए ।
उनले व्यवस्था परिवर्तनपछि पूर्वाधारका क्षेत्रमा विकास भएको र सरकार अभिभावक बनेर प्रस्तुत भएको जनाउँदै नसक्नेका र गरिब जनताका लागि अभिभावक बनेर वर्तमान सरकार प्रस्तुत भएको बताए । व्यवस्था बदलियो, अवस्था बदलिएन भन्ने भ्रम फैलाइएकाप्रति सचेत हुन आग्रह गर्दै मुलुकका व्यवस्था परिवर्तनपछि पूर्वाधार विकास र रोजगारीवृद्धिका साथै थुप्रै ठुला उद्योगहरु सञ्चालनमा आएको उनले दाबी गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपशिवसताक्षीका चार वडालाई नुनिया धानको पकेट क्षेत्र घोषणा
पुष २, २०८१ मंगलबार
स्थानीय उत्पादन बजारीकरण गर्न कोसेली घर कार्यक्रम
मंसिर २५, २०८१ मंगलबार
विभिन्न कार्यक्रम आयोजना गरी विश्व माटो दिवस मनाइँदै
मंसिर २०, २०८१ बिहिबार
रविकी श्रीमती निकिताको सम्पत्ति जफत गर्न माग, अनुसन्धानमा तानिन सक्ने
पुष २, २०८१ मंगलबार
ललितपुरमा रवि र बालेनप्रति अप्रत्यक्ष खनिए प्रधानमन्त्री
पुष २, २०८१ मंगलबार
बझाङमा भूकम्पको धक्का महसुस
पुष २, २०८१ मंगलबार
सङ्क्रमणकालीन न्याय निरुपण गर्ने दुई आयोगमा पदाधिकारी सिफारिस गर्न समिति असफल
पुष २, २०८१ मंगलबार
रवि लामिछानेलाई थप चार दिन हिरासतमा राख्न अनुमति
पुष २, २०८१ मंगलबार
के तपाई बिरालो पाल्ने शौकीन हुनुहुन्छ ? होसियार
पुष २, २०८१ मंगलबार
३ करोड २१ लाख अवैध सम्पत्ति आर्जनको अभियोग लागेका कार्कीलाई विशेषले दियो सफाइ
पुष २, २०८१ मंगलबार
एनपीएल विजेताले १ करोड १० लाख पुरस्कार पाउने
पुष २, २०८१ मंगलबार