रविचन्द्रन अश्विनले अन्तर्राष्ट्रिय क्रिकेटबाट सन्यास लिने

३ पुस, काठमाडौं । भारतीय टिमका दिग्गज क्रिकेटर रविचन्द्रन आश्विनले सन्यासको घोषणा गरेका छन् । उनी अब अन्तर्राष्ट्रिय क्रिकेटमा देखिने छैनन् ।

भारत र अष्ट्रेलियाबीचको द गाब्बामा भएको टेष्ट खेलपछि अश्विनले यो घोषणा गरेका हुन् । अश्विनले अहिलेसम्म बलियो रेकर्ड बनाएका छन् । बलिङसँगै उनले ब्याटिङमा पनि उत्कृष्ट प्रदर्शन गरेका छन् ।

अश्विनले टेस्ट र एकदिवसीय क्रिकेटमा उत्कृष्ट प्रदर्शन गरेका छन् । ब्रिसबेनमा भएको तेस्रो टेस्टपछि पत्रकार सम्मेलन गर्दै उनले सन्यासको घोषणा गरेका हुन् ।