दुर्गा प्रसाईंको रिहाई माग गरिएको रिटमा सर्वोच्चले भन्यो बन्दीलाई अदालत उपस्थित गराउनु

३ पुष, काठमाडौं । सर्वोच्च अदालतले मेडिकल व्यवसायी दुर्गा प्रसाईंलाई रिहा गर्न अश्विकार गरेको छ । अदालतले बुधबार बन्दी प्रत्यक्षीकरणको रिटमा सुनुवाइ गर्दै बन्दीसहित उपस्थित हुन् आदेश गरेको छ । न्यायाधीश सुनिलकुमार पोखरेलको इजलासमा यो रिटको पेशी तोकिएको थियो । 

पछिल्लो पटक जिल्ला अदालतले साइबर अपराध बाहेक अर्कोमा म्याद थप गरेपछि प्रसाईँका छोरा नीराजन प्रसाईँले बन्दी प्रत्यक्षीकरणको निवेदन दर्ता गराएका  थिए ।  उनको यसअघिको बन्दीप्रत्यक्षीकरणकै रिट सर्वोच्चले खारेज गरिदिएको थियो । प्रसाईंविरुद्ध काठमाडौं जिल्ला अदालतमा साइबर अपराधको मुद्दा दायर भएको छ । 

प्रहरीले दुःख दिने मनसाय राखेर पक्राउ र म्याद थप गराएको दाबीसहित छोरा निराजनले मंगलबार अर्को रिट दर्ता गराएका थिए । यसपटक निराजनको वारेस भएर नारद खवासले रिट दर्ता गराएका थिए । प्रसाईं क्यान्सरजस्तो गम्भीर रोगको बिरामी भएको रिट निवेदनमा उल्लेख गरिएको थियो ।