शर्मा भारत र तिम्सिना मलेसियाको राजदूतमा नियुक्त

३ पुस, काठमाडौं । राष्ट्रपति रामचन्द्र पौडेलले भारतका लागि डा. शंकर शर्मा र मलेसियाका लागि नेत्रप्रसाद तिम्सिनालाई राजदूतमा नियुक्त गरेका छन् । संविधानको धारा २८२ को उपधारा (१) बमोजिम  शर्मा र तिम्सिनालाई राजदूत नियुक्त गरिएको राष्ट्रपति कार्यालयले जनाएको छ ।

मन्त्रिपरिषद्को सिफारिसमा बुधबार राष्ट्रपति पौडेलले उनीहरूलाई राजदूत नियुक्त गरेको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् ।