आचार्य र पुनको ठाउँमा केसी र पराजुली नियुक्त

३ पुष, काठमाडौं । नेपाल विद्युत् प्राधिकरणको सञ्चालकमा २ जना नियुक्त भएका छन् । मंगलबारबाट विद्युत् प्राधिकरणका सञ्चालक समिति सदस्य कपिल आचार्य र भक्तबहादुर पुनको अवधि सकिएको थियो । सो ठाउँमा डा. बलराम पराजुली र इन्जिनियर लक्ष्मण केसीलाई नियुक्त गरिएको छ ।  

पराजुली जलविद्युत् क्षेत्रमा परामर्शदाताको रूपमा काम गर्दै आएका थिए । उनले भेरी बबई बहुउद्देश्यीय आयोजना र एसियाली विकास बैंकमा पनि परामर्शदाताको भूमिका निर्वाह गरेका छन् । लक्ष्मण केसी कांग्रेसनिकट इन्जिनियरिङ संघ (सिडेन)का अध्यक्ष हुन् । अमेरिकामा सिभिल इन्जिनियरिङ पढेका केसीले काठमाडौं विश्वविद्यालयबाट विद्यावारिधि गरिरहेका छन् ।