मुख्यसचिव भन्छन, संघीयतापछि सरकारी निकायबीच समन्वनय भएन, पालिकाले विवादीत कानुन बनाए

४ पुष, काठमाडौं । मुख्यसचिव एकनारायण अर्यालले संघीयता आइसकेपछि सरकारी निकायहरूबीच मिलाएर काम गर्न समस्या आएका ेबताएका छन् । उनले सबैतिर समन्वयको अभाव देखिएको दावी गरेका छन् । बिहीबार नेपाल प्रशासनिक प्रशिक्षण प्रतिष्ठानले आयोजना गरेको कार्यक्रममा अर्यालले संविधानमा सहकार्य, समन्वय र सहअस्तित्वमा धेरतिर विवाद र अलमल देखिएको बताए ।

उनले पालिकाहरूले बनाएका कानूनहरूमा पनि विवादित भएको दावी गरे । संघीयभन्दा विपरीत कानून बनाउन नपाइने भए पनि त्योअनुसारको कानून बनाउन पालिकाहरु चुकेको उनको भनाइ छ । पालिकाहरूले कानून त बनाउनुभएको छ, तर तिनै पालिकाहरूको कानूनहरूको बीचमा पनि विवाद छ । संघीय कानूनभन्दा विपरीत कानून बनाउन पाइँदैन भन्ने छ, यो कुरासबैले बुझेको देखिएन, उनले भने । 

विवादले गर्दा सबै तहमा अवस्था असामान्य देखिएको र त्यसले निर्माण गरेका कानूनहरू कहिले कहीँ नहुने ठाउँमा अलि बढी एक्टिभ भएको देखिएको बताए । उनले सरकारले युवाहरूलाई सरकारका विभिन्न क्रियाकलापमा समेट्ने भनेर कार्यविधि ल्याइसकेको पनि बताए । 

उनले आर्थिक सुधारका लागि आयोग नै गठन गरेर अघि बढेको जानकारी दिए । युवाहरूलाई सरकारका विभिन्न क्रियाकलापमा समेट्ने भनेर कार्यविधि ल्याइसकेको दावी गर्दै उनले  आर्थिक सुधारका लागि हामीले आयोग नै गठन गरिसकेकोको बताए ।