सुदूरपश्चिम पुगेर शेखर कोइरालाले भने, १५ औं महाधिवेशनमा म सभापतिको स्वभाविक दाबेदार हुँ

५ पुष, धनगढी । नेपाली कांग्रेसका वरिष्ठ नेता डा.शेखर कोइरालाले आगामी १५ औँ महाधिवेशनमा आफू सभापतिको स्वभाविक दाबेदार रहेको बताएका छन् । उनले आउने महाधिवेशनसम्ममा भरसक पार्टीलाई एक ढिक्का बनाएर लाने आफ्नो उद्देश्य रहेको बताएका छन् । आगामी महाधिवेशन एकताको महाधिवेशन हुने उनको दावी छ । 

सुदूरपश्चिमका नेता तथा कार्यकर्ता भेटघाट गर्न शुक्रबार धनगढी पुगेका कोइरालाले सञ्चारकर्मीसँग पार्टी सभापति शेरबहादुर देउवा र महामन्त्री गगन थापासँग कुनै असमझदारी नभएको दाबी गरे । उनले शेरबहादुर देउवा र गगन थापा साझा सभापति र महामन्त्री भएको बताए । १५ औं महाधिवेशनमा आफू सभापतिको स्वभाविक दाबेदार भएको कोइरालाको भनाइ छ । 

उनले महाधिवेशन आउन एक वर्ष मात्र बाँकी रहेकाले आफू महाधिवेशनको तयारीमा लागेको समेत लागेको उल्लेख गरे । कोइरालाले महाधिवेशनसम्म एकताबद्ध भएर अघि बढ्ने पनि बताए । उनले अहिलेको सरकारलाई असफल हुने छुट नभएको बताए । दुई ठूला दल मिलेर बनेको वर्तमान सरकार परिवर्तन हुने कुनै सम्भावना नभएको उनको भनाइ छ । 

 तस्वीरः दिनेश थपलियाको फेसबुकबाट