टिकटकको भिडियो बनाउने क्रममा खोलको खोँचमा खसेर शिक्षिकासहित विद्यार्थीको मृत्यु

७ पुस, विराटनगर । नुहाउन खोलामा गएको एक शिक्षिका र विद्यार्थीको टिकटक बनाउने क्रममा खोलाको खोँचमा खसेर मृत्यु भएको छ । शनिबार तेह्रथुमको मेन्छ्यायेम गाउँपालिका–५ मा रहेको गौखुरी माध्यमिक विद्यालयकी नर्स शिक्षिका रविना राजवंशी र सोही विद्यालयमा कक्षा ७ मा अध्ययनरत १२ वर्षीया छात्रा सुस्मिता भटराईको मृत्यु भएको हो ।

शनिबार विद्यार्थीसहितको टोली खोरुंगा खोलामा नुहाउन गएको थियो । नुहाउने क्रममा मृतक दुईसहित अर्की एक विद्यार्थी टिकटक भिडियो बनाउने भन्दै हिंडेका थिए । तर, दुई जना चिप्लिएर खोलाको खोँचमा खसे । तत्काल उद्धार गर्ने अवस्था नभएपछि दुई जना खोचमा खसेको खबर लिएर विद्यार्थी घरफर्किए । 

उद्धार गर्न पुग्दा खोँचमा खसेका कारण दुवै जनाको घटना स्थलमै मृत्यु भएको थियो । जिल्ला प्रहरी कार्यालय तेह्रथुमका डीएसपी चिनिमाया तामाङले फोटो भिडियो खिच्ने क्रममा लडेको देखिन्छ । तत्कालै उद्धार गर्ने कोही नभएकाले पनि उनीहरुको मृत्यु भयो ।