श्रीमती उपयोग गरेर पूर्व उपराष्ट्रपतिका छोरा दीपेश पुनले सवा २ करोड गैरकानुनी लाभ लिएको दावी

७ पुस, काठमाडौं । जिल्ला सरकारी वकिलको कार्यालय कास्कीले पूर्वउपराष्ट्रपति नन्दकिशोर पुनका छोरा दीपेश पुनलाई विगोसहित प्रतिवादी बनाएको छ । उनले सूर्यदर्शन सहकारीबाट २ करोड १४ लाख ८ हजार ८ सय ४३ रुपैयाँ गैरकानुनी रुपमा लिएको प्रतिवेदनमा उल्लेख छ । 

आइतबार जिल्ला अदालत कास्कीमा दायर भएको मुद्दामा पुनलाई पनि विगोसहित प्रतिवादी बनाइएको छ । उनले सहकारीको बचतकर्ताहरूलाई विश्वस्त दिलाउने, आकर्षक व्याजदरको प्रलोभन देखाउने जस्ता कार्य गरेर ठूलो रकम बचत संकलन गरी गैर कानुनी लाभ लिएको अदालतमा दायर भएको मुद्दामा उल्लेख छ ।

उनकी श्रीमती सविना आले मगरलाई सञ्चालक समितिमा राखी आफू अनुकुल बनाउनका लागि सोही अनुसारको सञ्चालक समितिबाट निर्णय गराएको पनि सरकारील वकिल कार्यालयले दायर गरेको मुद्दामा उल्लेख छ । सहकारीबाट अनैतिक लाभ लिन उनले श्रीमतलाई उपयोग गरेको आरोप लगाइएको छ ।