बयानका लागि रविसहित ४ जनालाई लगियो अदालत, जोशीको सकिएपछि मात्र आउनेछ अरुको पालो

९ पुस, काठमाडौं । कास्की प्रहरीले राष्ट्रिय स्वतन्त्र पार्टीका सभापति एवं पूर्वगृहमन्त्री रवि लामिछानेसहित चार जनालाई जिल्ला अदालत कास्कीमा उपस्थित गराइएको छ । उनीहरुको बयानका लागि अदालत लगिएको हो । अहिले रवि लामिछाने,  छबिलाल जोशी, लिला पछाई र रामबहादुर खनाललाई अदालत उपस्थित गराएको छ । 

चार जनालाई अदालत उपस्थित गराइए पनि छबिलाल जोशीको मात्रै बयान भइरहेको छ ।  छबिको बयान सकिएपछि मात्रै अरूको सुरु हुनेछ ।छबिको बयान हुँदा अरुलाई जिल्ला अदालतमै राखिएको छ । सञ्चालक कृष्ण गुरूङलाई भने बिरामी परेका कारण अस्पताल लगिएको छ । न्यायाधीश नीतिज राईको इजलासमा सोमबारदेखि बयान सुरू भएको हो ।