जाडोमा घाममा धेरै बेरसम्म बस्नु हुन्छ ? होसियार, क्यान्सर निम्त्याउन सक्छ

११ पुस, काठमाडौं । जाडो मौसममा घाममा बस्न सबैलाई मन पर्छ । तर के तपाईलाई थाहा छ धेरै समय घाममा बस्दा तपाईको छालालाई गम्भीर हानी हुन्छ । यो बानीले छालाको क्यान्सर जस्ता घातक रोग निम्त्याउन सक्छ। जाडो मौसममा घाममा बस्दा हुने हानिबारे जानौं...

स्वास्थ्य विज्ञहरूका अनुसार जाडो मौसममा घामको कडा पराबैंगनी किरणको मुनि लामो समयसम्म बस्दा छालाका कोशिकाहरूलाई नोक्सान पुग्न सक्छ। यो क्षतिले छालाको समयपूर्व बुढ्यौली मात्र होइन, छालाको क्यान्सरको जोखिम पनि बढाउन सक्छ।

विज्ञहरूका अनुसार सूर्यको किरणले छालाको सबैभन्दा माथिल्लो तह (स्ट्र्याटम कोर्नियम) लाई सुकाउँछ, जसले घाममा पोल्ने र क्यान्सरको जोखिम बढाउँछ।  

छालाको क्यान्सरका प्रकार-

बेसल सेल कार्सिनोमा
स्वास्थ्य विज्ञहरूका अनुसार बेसल सेल कार्सिनोमा सबैभन्दा सामान्य छालाको क्यान्सर हो, यसले प्राय: जाडो मौसममा सूर्यको किरणले अनुहार र हातमा असर गर्छ।

स्क्वामस सेल कार्सिनोमा
स्क्वामस सेल कार्सिनोमा क्यान्सर सूर्यको सम्पर्कमा रहेको छालामा पनि विकास हुन्छ र प्राय: अनुहार, कान, ओठ र हातहरूमा देखा पर्दछ।

मेलानोमा
मेलानोमा छालाको क्यान्सरको सबैभन्दा घातक रूप हो। यो जाडो मौसममा सूर्यको किरणहरूमा पर्दा अवस्थित तिलमा विकसित हुन सक्छ र शरीरको सबै भागहरूमा द्रुत रूपमा फैलिन सक्छ।

जाडो मौसममा घामबाट बच्ने सजिलो उपाय-

जाडो मौसममा दिउँसो १२ बजे देखि ३ बजे सम्म कडा घामबाट बच्नुहोस्।
जाडोमा बाहिर निस्कँदा फुल बाहुलाको लुगा लगाउनुहोस् र टाउकोमा टोपी वा स्कार्फ लगाउनुहोस्।
जाडो मौसममा घाममा निस्कनुअघि सनस्क्रिन लगाउनुहोस्।
जाडोमा सनग्लास प्रयोग गर्नुहोस् ताकि तपाईंको आँखा यूभी किरणहरूबाट सुरक्षित रहनुहोस्।