प्रधानमन्त्री ओलीले तीन उपकुलपतिलाई गराए शपथ

१२ पुस, काठमाडौं । प्रधानमन्त्री केपी शर्मा ओलीले तीन वटा विश्वविद्यालयका नवनियुक्त उपकुलपतिहरूलाई आज पद तथा गोपनीयताको शपथ गराएका छन् । शपथसँगै प्रधानन्त्री ओलीले नवनियुक्त उपकुलपतिहरूलाई कार्यकाल सफलताको कामना पनि दिएका छन् । 

प्रधानमन्त्री तथा मन्त्रिपरिषद्को कार्यालय, सिंहदरबारमा भएको कार्यक्रममा कुलपतिका हैसियतामा प्रधानमन्त्री ओलीबाट नेपाल संस्कृत विश्वविद्यालयका उपकुलपति प्रा डा धनेश्वर नेपाल, पोखरा विश्वविद्यालयका उपकुलपति प्रा डा वेदराज केसी र कृषि तथा वन विज्ञान विश्वविद्यालयका उपकुलपति प्रा डा शारदा थपलियाको शपथ लिएका हुन् ।