राजदूतमा सिफारिस नेपालीको सुनुवाइ सकियो

१४ पुष, काठमाडौं । श्रीलंकाको राजदूतमा सिफारिस पूर्णबहादुर नेपाली संसदीय सुनुवाइ समितिबाट अनुमोदन भएका छन् । संसदीय सुनुवाइ समितिको आइतबारको बैठकले श्रीलंकाको राजदूतमा नेपालीलाई सर्वसम्मतिले अनुमोदन गर्ने निर्णय गरेको समिति सभापति ईश्वरीदेवी न्यौपानेले जानकारी दिइन् ।

मन्त्रिपरिषद्को मंसिर ६ गतेको बैठकले श्रीलंकाको राजदूतमा नेपालीलाई सिफारिस गरेको थियो । त्रिभुवन विश्वविद्यालयको सहप्राध्यापकमा कार्यरत नेपालीलाई सरकारले श्रीलंकाको राजदूतमा सिफारिस गरेको हो । नेपालीलाई माल्दिभ्सको गैरआवासीय राजदूतको लागि पनि सिफारिस भएका छन् । संसदीय समितिले अनुमोदन गरेपछि राष्ट्रपतिले राजदूतमा नियुक्त गर्ने संवैधानिक व्यवस्था रहेको छ ।