भाजपा नेता नितेशको विवादास्पद बयान, केरलालाई मिनी पाकिस्तान भन्दै राहुल गान्धीमाथि हमला

१५ पुस, काठमाडौं । महाराष्ट्र सरकारका मन्त्री नितिश राणाले एक कार्यक्रममा भारतीय कांग्रेसका नेता राहुल गान्धी र प्रियंका गान्धीलाई निशाना बनाएका छन्, उनले उनीहरू मुस्लिमहरूको कारणले वायनाडबाट चुनाव जित्न सक्षम रहेकाे बताएका हुन् ।

महाराष्ट्रका नवनिर्वाचित मन्त्री नितेश राणा प्रायः आफ्नो उत्तेजक बयानका लागि चर्चित छन्। उनी प्रायः आफ्नो र्‍यालीमा मुस्लिम विरोधी बयान दिने गरेको देखिन्छ । यसैबीच उनले केरला मिनी पाकिस्तान भएको भन्दै राहुल गान्धी र उनकी बहिनी प्रियंका गान्धी विजयी भएकाले त्यस्ता मानिसहरूले उनीहरूलाई सांसद बन्न मतदान गर्ने बताएका छन् । आइतबार पुणेमा आयोजित एक कार्यक्रममा बोल्दै नितिश राणेले यस्तो बताएका हुन् ।

जनतालाई सम्बोधन गर्दै नितिश राणले केरलामा प्रियंका गान्धीलाई मात्र चरमपन्थीले भोट दिने बताए । उनको भाषण अघि, महाराष्ट्र पुलिसले कार्यक्रम आयोजकहरूलाई मन्त्री नितिश राणेले भडकाउने भाषण नगर्न सुनिश्चित गर्न आग्रह गरेको थियो।

नोभेम्बर २, २०२४ मा, जब मिडियाकर्मीहरूले सोधे, तपाईलाई मुस्लिमहरूसँग के समस्या छ ? यसको जवाफमा उनले भनेका थिए, "देशमा ९० प्रतिशत हिन्दू बसोबास गर्छन्, हिन्दूको हितको चिन्ता गर्नु अपराध हुन सक्दैन। यसका अलावा उनले देशमा बंगलादेशीहरूले हिन्दू चाडपर्वमा ढुंगा हानेको पनि बताएका थिए । यसका विरुद्ध आवाज उठ्यो भने मुद्दा उठाइयो भने सामना गर्न तयार छु ।

२०२४ को सेप्टेम्बरमा पनि सांगोलीमा जनसभालाई सम्बोधन गर्दै उनले प्रहरीलाई २४ घण्टा मात्रै बिदा दिएमा आफ्नो शक्ति देखाउने बताएका थिए । यसअघि पनि उनले मस्जिदभित्र पसेर मान्छे मार्ने बताएका थिए । असदुद्दीन ओवैसी सहित धेरै मुस्लिम संगठनहरूले उनको बयानमा आपत्ति जनाएका थिए।

नितेश नारायण राणा महाराष्ट्र सरकारका क्याबिनेट मन्त्री हुन्। उनी कन्कवली विधानसभा क्षेत्रका विधायक हुन् । उनी गैरसरकारी संस्था स्वाभिमान संगठनका प्रमुख पनि हुन् । उनीविरुद्ध घृणित भाषण गरेको आरोपमा मुद्दा पनि दर्ता भएको छ ।