१ करोड ६ लाखको चेक बुझाएर रिहा भएका हुन तत्कालिन अध्यक्ष जंगम र कोषाध्यक्ष दाहाल

१५ पुष, काठमाडौं । बचत कर्ताको १ करोड ६ लाख रकम तिर्ने सर्तमा चेक लिएर प्रहरीले साई स्वागत सहकारी ठगी प्रकरणमा पक्राउ परेका भरतमणि जंगम र लुमन दाहाललाई रिहा गरेको छ । ७ पुसमा पक्राउ परेका जंगम र दाहाललाई रिहा गरिएको हो । सहकारी ठगी प्रकरणमा उनीहरूविरुद्ध परेको १ करोड ६ लाखको उजुरीमा ‘गुड फर पेमेन्ट’ चेक दिएका छन् । 

जिल्ला सरकारी वकिल कार्यालय काठमाडौंको रोहबरमा उनीहरूलाई गत शुक्रबार रिहा गरिएको हो । जंगम साई स्वाग सहकारीका अध्यक्ष हुन् भने दाहाल तत्कालीन कोषाध्यक्ष हुन् । पीडित बचतकर्ताको पैसा फिर्ता गर्ने सहमतिपछि उनलाई रिहा गरिएको जिल्ला प्रहरी परिसर काठमाडौंका एसपी नवराज अधिकारीले जानकारी दिए ।