खबरदारी गर्न झापा पुगेका प्रचण्डले ओलीमाथि लगाए गम्भिर आरोप, गिरीबन्धुमा देखाइदिने धम्की

१५ पुष, काठमाडौं । पार्टीको खबरदारी सभामा भाग लिन सोमबार झापा पुगेका नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एमालेका अध्यक्ष एवं प्रधानमन्त्री केपी शर्मा ओलीमाथि गम्भीर रुपमा खनिएका छन् । ओलीको गृहजिल्ला पुगेर प्रचण्डले गिरीबन्धुमा देखाइदिने धम्की पनि दिएका छन् । पूर्वप्रधानमन्त्री समेत रहेका प्रचण्डले ओलीमाथि गम्भीर आरोप लगाए । 

यसअघि पटक–पटक सत्ताका सहयात्री रहेका उनीहरूबीच पछिल्लो पटक कांग्रेससँगको सत्ता सहकार्यपछि देखिएको तिक्तता उनले पोखेका छन् । उनले ओलीलाई देशकै जाली, झेली, कपटी र बेइमानी भएको आरोप लगाए । अहिलेका प्रधानमन्त्री देशको जाली, झेली, कपटी, बेइमानी । मेरो लागि त यति धेरै जाली, यति धेरै झेली मान्छे उनको ठाउँमा म बोल्दै छु,’ प्रचण्डले ओलीलाई भने, ‘जालझेल बाहेक उनको दिमागमा अरू केही छैन ।

प्रचण्डले नुवाकोटको शेरा दरबारको जग्गा सरकारको नाममा ल्याउन  ओलीलाई चुनौती दिए । उनले झण्डै १२–१५ वर्षअघि आफ्नो पार्टी छाडेका व्यक्तिको नाम जोडेर गलत प्रचार गरेको बताए । हाम्रो पार्टीबाट झण्डै १२–१५ वर्षअघि पार्टी छाडिसकेका मान्छेको जग्गाको विषयलाई लिएर माओवादीसँग बसेको मान्छेको जग्गा हो यो भनेर ल्याइएको छ । यो भन्दा लाजमर्दो कुरा अरु हुनै सक्दैन, प्रचण्डले भने, यदी भ्रष्टाचार र बेथितिको मुद्दामा हाम्रै पार्टीका नेता देखिए म छुट दिने पक्षमा छैन ।

लामो समय ओलीमाथि नै केन्द्रित भएका प्रचण्डले गिरीबन्धु टि–स्टेट घोटालाको फाइल खोलेरै छाड्ने बताए । उनले गिरीबन्धु, यति, ओम्नी, वाइडबडी लगायतका फाइल खोलेर ओलीलाई देखाइदिन बताए । मलाई जबरजस्ती तानाशाही तरिकाले प्रधानमन्त्रीबाट हटाइएको छ । गिरीबन्धु, यति, ओम्नी, वाइडबडी घोटालाको फाइल खोलेर नै छाड्छु भनेको छु ।  मेरो सुई गिरीबन्धुतिर जाँदै थियो । त्यहाँ जाने भनेको ओलीतिर जाने भनेको हो । बेचन झा गिरफ्तार भइसकेपछि सुई अर्कोतिर पनि सोझियो । त्यही भएर आतंक भएको हो तपाईँले ढुक्क सँग बुझे हुन्छ । फाइल खोलेर छाडिन्छ । 

प्रचण्डले प्रधानमन्त्री ओली जस्ता जाली, झेली, कपटी मान्छे कोही नभएको बताए । प्रचण्डले आफू तेस्रोपटक प्रधानमन्त्री हुँदा थालेको सुशासन अभियान कांग्रेस र एमालेको हेडक्वार्टरमा सोझिएपछि रातारात सरकार ढालेको दाबी गरे । भ्रष्ट, दलाल, बिचौलिया विरुद्ध एकजुट भएर लाग्न म उनले अपिल गरे ।