कास्की अदालतमा आरती गुरुङको बयान सकिएपछि रविसहितका आरोपीको थुनछेक बहस सुरु हुने

१६ पुष, पोखरा । कास्की जिल्ला अदालतमा सहकारी ठगी प्रकरणको अनुसन्धानमा रहेका रवि लामिछानेसहितका आरोपीहरुको थुनछेक बहश आजबाटै सुरु हुने भएको छ । पोखराको सूर्यदर्शन सहकारीको रकम अपचलन मुद्दामा न्यायाधीशसँगको बयान अन्तिम चरणमा पुगेको छ । अहिसम्म ६ जनाको बयान सकिएको र प्रतिवादी आरती गुरुङसँग बयान अन्तिम चरणमा पुगेको अदालतले जनाएको छ । 
 
बयान अन्तिम चरणमा पुगेको र आजै थुनछेक बहस सुरु हुनेछ जानकारी दिइएको छ । यो मुद्दा न्यायाधीश नितिज राईको इजलासमा परेको छ । सहकारी ठगी आरोपमा पक्राउ परेकाहरूलाई सम्पत्ति शुद्धीकरण र सङ्गठित अपराध मुद्दा पनि थपिएको छ । प्रतिवादीहरू सबैलाई जिल्ला अदालत कास्कीमा उपस्थित गराइएको छ ।

लामिछानेसँगै पूर्व डीआईजी छविलाल जोशी, जीबी राईका पार्टनर लिला पछाई, रामबहादुर खनाल, पूर्व सांसद मीना गुरुङ र कृष्णबहादुर गुरुङसँग यसअघि नै बयान सकिएको हो । आरतीसँग बयान सकेर आजै थुनछेक बहस सुरु हुने भएको छ । रवि लामिछाने गत कात्तिक २ गते काठमाडौंबाट पक्राउ परेका थिए ।