नेपाल सरकारको परराष्ट्र सेवामा अग्रणी भूमिका निभएकी पूर्वराजदूत बिन्देश्वरी शाहको निधन

१८ पुष काठमाडौं । भारतका लागि पहिलो महिला नेपाली राजदूत बिन्देश्वरी शाहको निधन भएको छ । ९१ वर्षको उमेरमा बिहीबार बिहान उनको निधन भएको हो । नेपाल सरकारको परराष्ट्र सेवामा लामो समय योगदान पुर्याएकी उनले विभिन्न कूटनीतिक जिम्मेवारी निभएकी थिइन् । 

शाहले सन् १९५९ मा नेपाल सरकारको परराष्ट्र मन्त्रालयमा सेवा सुरू गरेकी थिइन् । उनले वासिङटन डिसी, ढाका र नयाँ दिल्लीमा विभिन्न कूटनीतिक जिम्मेवारी सम्हालेकी थिइन् । सन् १९८८ मा भारतका लागि राजदूत नियुक्त भएकी शाह नेपालकी पहिलो महिला राजदूत हुन् । 

सन् १९३३ फेब्रुअरी १३ मा भारतको कर्सियोङमा जन्मेकी शाहले सेन्ट हेलेन्स कन्भेन्ट, कुर्सियोङबाट स्कुले शिक्षा लिएकी थिइन् । उनले अमेरिकाको बर्नार्ड कलेज, कोलम्बिया विश्वविद्यालयबाट स्नातक र जोन्स हप्किन्स विश्वविद्यालयबाट अन्तर्राष्ट्रिय मामिलामा स्नातकोत्तर गरेकी थिइन् । 

सन् १९६६ मा उनले डा. नारायण केशरी शाहसँग विवाह गरेकी थिइन् । उनका दुई छोरा अनिल केशरी शाह र उज्वल केशरी शाह छन् । अनिल शाह पूर्वबैंकर हुन् । उज्वल शाहको भने पहिले नै निधन भइसकेको छ । शाहको निधनले नेपालको कूटनीतिक क्षेत्रमा योगदान दिने एक अनुभवी व्यक्तित्व गुमाएको छ । अन्त्येष्टि कार्यक्रम परिवारको निर्णयअनुसार गरिने जनाइएको छ ।