एमालेले गृहमन्त्रीसंँग जवाफ माग्दा प्रचण्डले भने शेरादरबारको जग्गामा मेरो सम्लग्नता छैन

१८ पुस, काठमाडौं । प्रतिनिधि सभाको राज्य व्यवस्था तथा सुशासन समितिमा नुवाकोटको शेरादरवार जग्गा माओवादीले कब्जा गरेको विषय उठेको छ । शेरादरबारको जग्गाबारे गृहमन्त्री रमेश लेखकसँग एमालेले जवाफ माग गरेको छ । यसबारे गृहमन्त्रीले जवाफ दिनुअघि माओवादीका अध्यक्ष पुष्पकमल दाहाल प्रचण्डले प्रष्ट पार्न खोजेका थिए । 

बिहीबारको समितिको बैठकमा एमाले सांसद बासुदेव घिमिरेले जवाफ माग गरेका हुन् । शेरा दरवारबारे भएको के हो ? गृहमन्त्रीले स्पष्ट गर्न आवश्यक छ । एमालेले प्रश्न उठाएपछि बैठकमा प्रचण्डले शेरा दरबारको जग्गा कानुन विपरीत भए फिर्ता ल्याइनुपर्ने र यसमा आफ्नो पूर्ण सहयोग रहने बताए । 

उनले आफूले आफ्नै पार्टीका नेताहरू पनि संलग्न देखिए कानूनको दायरामा ल्याउनुपर्छ भनेको बताए । छानबिन गर्दैगर्दा यदि प्रचण्ड नै देखियो भने त्यसलाई पनि छानबिनको दायरामा ल्याउनुपर्ने भन्दै शेरा दरबार प्रकरणको अनुसन्धानमा आफूले सघाउने र सरकारलाई धन्यवाद दिने पनि बताए ।

प्रचण्डले शेरा दरबारको जग्गाका सम्बन्धमा  कानुन विपरीत भए फिर्ता ल्याउन भन्दै जग्गाबारे कानुन विपरीत काम भएको छ भने फिर्ता ल्याइयोस, म सरकारलाई धन्यवाद भन्छु । गृहमन्त्रीले अन्तिममा जवाफ दिने बताएपछि प्रचण्डले अख्तियार ऐन संसोधन विधेयक र एमाले सांसद घिमिरेले उठाएको विषयमा आफ्नो धारणा राखेका हुन । समितिको बैठक अख्तियारसम्बन्धी विधेयकमाथि छलफल गर्न बोलाइएको थियो ।