आफ्ना दिवांगत ३७ जना नेताहरुको नाममा विभिन्न खेलकुद प्रतियोगिता आयोजना गर्दैछ कांग्रेस

१८ पुस, काठमाडौं । नेपाली कांग्रेसले चार जना शहिदसहित पार्टी र देशका नाममा योगदान दिएका दिवांगत नेताहरूको नाममा विभिन्न खेलकुद प्रतियोगिताहरू आयोजना गर्ने भएको छ । सात प्रदेश र त्यस अन्तर्गतका मुख्य शहरहरुमा प्रतियोगित आयोजना गरिने कांग्रेसले जनाएको छ ।   

बिहीबार पत्रकार सम्मेलन कांग्रेसले पहिलो चरणमा ३७ स्वर्गीय नेताहरूको नाममा विभिन्न खेलकुद प्रतियोगिता आयोजना गर्ने जानकारी दिएको छ । यसमा फुटबल, क्रिकेट लगायतका खेलहरु खेलाइनेछ । कांग्रेसले चार शहिदहरू गंगालाल श्रेष्ठ, शुक्रराज शास्त्री, धर्मभक्त माथेमा र दशरथ चन्दको नाम पनि प्रतियोगित गराउने जनाएको छ । 

कांग्रेसका संस्थापक नेता वीपी कोइराला, गणेशमान सिंह, गिरिजाप्रसाद कोइराला, कृष्णप्रसाद भट्टराईलगायतका ३७ जना नेताहरूको नाममा फुटबललगायतका विभिन्न प्रतियोगिताको आयोजना गरिने जानकारी दिइएको छ ।