साढे ४ अंकले बढेर २५८६ विन्दुमा बन्द भयो नेप्से, ४ अर्ब ६० करोडका शेयर किनबेच भए

१८ पुस, काठमाडौं । साताको अन्तिम कारोबार दिन शेयरबजार २५ सय ८६ अंकमा कायम भएको छ । नेप्से ४.६३ अंकले बढेर २५८६.२३ विन्दुमा बन्द भएको हो । यसदिन नेप्से परिसूचक बढेसँगै कारोबार रकम पनि बढेको छ । बुधबार तीन अर्ब ५९ करोडको शेयर कारोबार भएकोमा बिहीबार चार अर्ब ६० करोडको शेयर कारोबार भएको छ । 

अघिल्लो दिनको तुलनामा कारोबार रकममा एक अर्ब एक करोड रूपैयाँ वृद्धि भएको हो । आज ३१५ वटा धितोपत्रको एक करोड ८६ हजार ७०५ कित्ता शेयर किनबेच भएको छ । १५६ कम्पनीको मूल्य बढ्दा ७७ को घट्यो भने ११ को स्थिर रह्यो । विकास बैंक समूह सबैभन्दा धेरै २.४० प्रतिशत बढ्यो । फाइनान्स ०.४१, होटल तथा पर्यटन ०.६९, हाइड्रोपावर १.८७, जीवन बीमा ०.३७, उत्पादन ०.८०, निर्जीवन बीमा ०.७७ प्रतिशत बढे । व्यापार २.०३, अन्य १.८४, माइक्रोफाइनान्स ०.२१, लगानी ०.३३ तथा बैंकिङ ०.१५ प्रतिशत घटे ।

सपोर्ट माइक्रोफाइनान्सको ५.०२, जानाकी फाइनान्सको ३.६, नेपाल टेलिकमको ३.२ तथा पोखरा फाइनान्सको मूल्य ३.१ प्रतिशत घट्यो । कारोबार रकमका आधारमा प्रभु महालक्ष्मी लाइफ इन्स्योरेन्स संस्थापक, न्यादी हाइड्रोपावर, हिमालयन डिस्टिलरी, कर्पोरेट डेभलपमेन्ट बैंक र एनआरएन इन्फ्रास्ट्रक्चर क्रमशः अगाडि रहे ।

न्यादी हाइड्रोपावरको मूल्य १० प्रतिशत बढ्यो । सामुदायिक लघुवित्तको ९.९, सप्तकोशी विकास बैंकको ९.९, सिन्धु विकास बैंकको ९.७९ तथा सुपरमादी हाइड्रोपावरको ९.६, ग्रीन डेभलपमेन्ट बैंकको ९.२, कर्पोरेट डेभलपमेन्ट बैंकके ९, रिभरफल्स पावरको ८.८, आत्मनिर्भर लघुवित्तको ७.८ तथा त्रिशुली जलविद्युतको ६.६ प्रतिशत मूल्य बढ्यो ।

सर्वाधिक शेयर खरिद–बिक्री हुने दोस्रो कम्पनीमा न्यादी हाइड्रोपावर रहेको छ । उक्त कम्पनीको प्रतिकित्ता ४९५ रूपैयाँमा २० करोड ७२ लाख रूपैयाँ बराबरको शेयर कारोबार भएको छ ।