काठमाडौंको अनामनगरस्थित धोबीखोलमा कार खस्यो

२१ पुष, काठमाडौं । काठमाडौंको अनामनगरस्थित धोबीखोलामा एउटा कार खसेको छ । बा एए ८७१४ नम्बरको कार अनामनगर मदन भण्डारी कलेज नजिकै धोबी खोलामा खसेको हो । आइतबार बिहान ६ बजेतिर कार धोबीखोलामा खसेको प्रहरीले जनाएको छ । कारका चालक भने सकुशल छन् ।

काठमाडौं प्रहरी परिसरका प्रवक्ता एसपी नवराज अधिकारीका अनुसार कार अनामनगरबाट बानेश्वर जाँदै थियो। कार ललितपुर महानगरपालिका–१ का ४६ वर्षीय विनोदविक्रम सिजापतिले चलाएका थिए । उनी सकुशल रहेका छन् ।