च्यासलमा एमाले केन्द्रीय कमिटी बैठक, ओलीको प्रतिवदनमाथि टिप्पणी गर्न तीन मिनेट समय

२१ पुष, काठमाडौं । नेपाल कांग्रेससँगको सत्ता सहकार्य र पछिल्लो राजनीतिक परिस्थितिबारे छलफल गर्न सत्तारुढ प्रमुख घटक नेकपा एमालेको केन्द्रीय कमिटी बैठक सुरू भएको छ । बैठकमा प्रधानमन्त्री समेत रहेको पार्टी अध्यक्ष केपी शर्मा ओलीले राजनीतिक प्रतिवेदन पेस गर्ने छन् । 

पार्टी मुख्यालय च्यासलमा जारी ओलीले समसायिम राजनीतिक परिवेशबारे ब्रिफिङ गर्ने र राष्ट्रिय राजनीतिक परिस्थितिसहितको विषयवस्तु समेटिएको राजनीतिक प्रतिवेदन प्रस्तुत गर्ने कार्यक्रम छ । ओलीको प्रतिवेदनसहित समसामयिक प्रस्तावमाथि प्रत्येक केन्द्रीय सदस्यलाई धारणा राख्न करिब तीन मिनेटको समय उपलब्ध गराइएको छ ।