वेस्टह्याम युनाइटेडको नयाँ प्रशिक्षकमा ग्राहम पोर्टर

२५ पुस, काठमाडौं ।  इङ्लिस क्लब वेस्टह्याम युनाइटेडको नयाँ प्रशिक्षकमा ग्राहम पोर्टर नियुक्त भएका छन । बुधबार मात्रै जुलेन लोपेटेगुइलाई बर्खास्त गरेको सो क्लबले पोर्टरलाई नियुक्त गरेको हो ।  समाचार अनुसार पोर्टरले साढे दुई वर्षको सम्झौता गरेका छन् ।

सन् २०२३ मा अर्को इङ्ग्लिस क्लब चेल्सी छाडेयता पोर्टर क्लबविहिन अवस्थामा रहेका थिए । लोपेटेगुइले मात्रै ६ महिना वेस्टह्यामको प्रशिक्षण सम्हाल्ने मौका पाए । इङ्ग्लिस प्रिमियर लिगमा वेस्टह्याम २० खेलमा २३ अंकका साथ १४ औं स्थानमा छ ।