वेस्ट मिन्स्टर कार्यक्रममा सहभागी हुन कांग्रेस नेता कोइराला बेलायत प्रस्थान

२५ पुस, काठमाडौं । नेपाली कांग्रेसका वरिष्ठ नेता डा शेखर कोइराला वेस्ट मिन्स्टर कार्यक्रममा सहभागी हुन बेलायत प्रस्थान गरेका छन् ।

यही पुस २९ गते बेलायतको संसद भवन वेस्ट मिन्स्टर) मा आयोजना हुने कार्यक्रममा सहभागी हुन कोइराला बेलायत प्रस्थान गरेका हुन् । 

बेलायत प्रस्थान गर्नुअघि कोइरालाले बिहीबार बिहान त्रिभुवन अन्तर्राष्ट्रिय विमानस्थलमा आफू बेलायतको संसद भवन (वेस्ट मिन्स्टर) मा आयोजना हुने कार्यक्रममा सहभागी हुन आफू त्यसतर्फ जान लागेको बताए ।

बेलायतमा रहँदा कोइरालाले नेपाली कांग्रेस र बेलायतको लेबर पार्टीका नेताहरूसँग भेटवार्ता गर्ने कार्यक्रम रहेको छ । बीपी कोइरालाको पालादेखि नै नेपाल र बेलायतबीच सम्बन्ध रहिआएको उनले उल्लेख गरेका छन् ।

बेलायतमा रहँदा आफूले लेबर पार्टीका मन्त्री, सांसद र विपक्षी दलका नेताहरूसँग भेटघाट र कुराकानी गर्ने कोइरालाले बताए ।