विश्वकप खेल्ने यू–१९ महिला क्रिकेट टिमको बिदाई

२६ पुस, काठमाडौं । नेपाल क्रिकेट संघ (क्यान)ले टी–२० विश्वकपमा प्रतिस्पर्धा गर्ने राष्ट्रिय यू–१९ महिला क्रिकेट टोलीलाई बिदाइ गरेको छ । शुक्रबार आयोजित एक कार्यक्रममा उनीहरुलाई युवा तथा खेलकुद मन्त्री तेजुलाल चौधरीको उपस्थितिमा क्यानले बिदाइ गरेको हो । खेलाडीहरू भोलि त्यसतर्फ प्रस्थान गर्नेछन् ।

प्रतियोगिता आउँदो माघ ५ गतेदेखि मलेसियामा हुँदैछ । समूह ‘डी’ मा रहेको नेपालले जनवरी १८ मा पहिलो खेल बंगलादेशसँग खेल्नेछ । दोस्रो खेल जनवरी २० मा स्कटल्याण्ड र तेस्रो खेल जनवरी २२ मा अष्ट्रेलियासँग खेल्नेछ । विश्वकपका खेलअघि नेपालले दुई वार्मअप खेल पनि खेल्नेछ ।

नेपाली टोली
पूजा महतो (कप्तान), सोनी पाख्रिन (उपकप्तान), साना प्रविन, ज्योत्सनीका मरासिनी, कुसुम गोदार, अलिशा कुमारी यादव, सावित्रा धामी, तृषना विक, किरन कुमारी कुवँर, रिया शर्मा, रचना चौधरी, सिमाना केसी, स्नेहा महरा,अनु कडायत र कृष्मा गुरुङ ।