सरकारले तोक्यो दुई न्यायाधीशको नयाँ जिम्मेवारी

२९ पुस, काठमाडौं । सरकारले दुई जना न्यायाधीशको जिम्मेवारी तोकेको छ । गत पुस २६ गते बसेको मन्त्रीपरिषदको बैठकले २ जना न्यायाधिसलाई नयाँ जिम्मेवारी तोकिएको सरकारका प्रवक्तासमेत रहेका सूचना तथा सञ्चारमन्त्री पृथ्वी सुब्बा गुरुङले जानकारी दिए ।

उनका अनुसार राजश्व न्यायाधीकरण काठमाडौँको कानुन सदस्य तथा अध्यक्ष पदमा उच्च अदालत पाटनका न्यायाधीश ब्रजेश प्याकुरेललाई तोकिएको छ भने  विशेष अदालत काठमाडौँको सदस्य पदमा उच्च अदालत पाटनका न्यायाधीश विदुर कोइरालालाई तोकिएको उनले जानकारी दिए ।