नेपाल भारतबीचको संयुक्त सैनिक अभ्यास सम्पन्न

२९ पुस, काठमाडौं । नेपाल र भारतबीचकाे संयुक्त सैन्य अभ्यास समापन भएको छ । नेपाली सैनिक व्याटल स्कुलमा सञ्चालन भएको नेपाल र भारतका सेना बीचको संयुक्त सैनिक अभ्यास सूर्य किरण समापन भएको हो ।

नेपाली सेनाका अनुसार सो संयुक्त तालिममा सैनिकहरूले विपद् व्यवस्थापन, प्रतिविद्रोह, प्रति आतंक वाद, जंगल युद्ध कला र मानवीय सहयोगका विषयहरूमा सैद्धान्तिक र व्यवहारिक अनुभवहरूको आदान प्रदान गरेका थिए ।