गैँडाको आक्रमणबाट माडीमा एकको मृत्यु, एक जना बेपत्ता

१ माघ, चितवन । गैँडाको आक्रमणबाट माडीमा एक जनाको मृत्यु भएको छ । गैँडाको आक्रमणबाट माडी नगरपालिका –३ का ५६ वर्षीय  छविलाल वोटको मृत्यस भएको हो ।

जिल्ला प्रहरी कार्यालयका प्रमुख गौतम मिश्रले नजिकैको जङ्गलमा भैँसी चराउन गएका उनलाई गैँडाले आक्रमण गर्दा घटनास्थलमै मृत्यु भएको जानकारी दिए । उनका अनुसार मृतकको शव परीक्षणका लागि भरतपुर अस्पताल ल्याइएको छ ।

यसैबीच माघे सङ्क्रान्तिका अवसरमा नुहाउन गएका एक जना देवघाटको झोलुङ्गे पुलबाट हामफालेर  बेपत्ता भएका छन् । लमजुङ घर भएका ४१ वर्षीय मदन परियार बेपत्ता भएका हुन् । परियारको खोजीकार्य जारी रहेको प्रहरीले जनाएको छ ।